12 nyied 23 hauh, Liujcouh Si Sanhgyangh Dungcuz Swciyen Dungzloz Myauzcuz Yangh Cizdonz Cunh Mbanjswbu guh hozdung yezyej. Gyoengqde aeu guh youzcaz、daem ceiz、dohyeh、laeujbakranz daengj langhbaij yienghndei Sanhgyangh, yinx le haujlai boux hekyouz bae ngonzyawj guhcaemz. Geij bi neix, Sanhgyangh haenqrengz haivat gijndei vwnzva minzcuz, gaenxmaenx gungganq mbanj minzcuz、nungzcangh guhcaemz、swnghdai ciengxndang daengj, doidoengh nungzyez vwnzva lijyouz haeujlaeg yungzhab hwngfat, caenhrengz uet rongh aen baizgim lijyouz “cienbi Mbanjdung loq heux Sanhgyangh”, roengzrengz gyavaiq hwnqguh aen Sanhgyangh baenzyouq baenz guhhong ndaej lijyouz youh huzndei moqsak ndeu.（Gungh Bujgangh/龚普康）