Gij doxgaiq haengjgyaez gou haenx lai lumj bwnvaiz, lumjbaenz: Gij daehbit ndeiyawj, vadanqcaz gyaeundei, meuz iq dwggyaez. Hoeng ceiq hawj gou simgyaez dwg duz gaujlah baengz nyib haenx.

Duz gaujlah baengz neix cix gig daegbied, de mbouj lumj doengh duz guhcaemz doih nei, vihmaz baenzneix gangj ne? Aenvih daj gou roxsoq hwnj, de couh itcig buenx youq henz ndang gou. Yaek gangj de dwg gvaq gyawz daeuj, gou cix lumj geiqndaej dwg youq aen gih duz guhcaemz baengz ndawde geb okdaeuj.

De daengx ndang hoengzmaeq, ndang raez 15 lizmij, gwnz aen gyaeuj iq de miz song cik rwz buenq luenz, cungqgyang song duj rwz hwnj byomhau yungzywdywd, gwnz fajnaj de miz doiq da luenzlulu, lumj naed duh giujgwzliz nei, lij miz aen ndaeng iqet ndeigyaez dem. Gwnz ndang ne, cungjdwg hoengzmaeq, cijmiz naengdungx hwnj bwnhau, gen ga hix dwg hoengzmaeq, mboujgvaq angjfwngz miz didi hau. Ndang bwn de yienznaeuz yawj hwnjbae cocadcad, hoeng fwngz lumh de vanzlij dwg unqnupnup ne.

De lij dwg duz yawj gou majhung. Moix daengz banhaemh miz fwndoek byajraez, gou couh got de ndaetndaet, de hix lumj nai gou:“Gaej lau, miz gou ne!” Hawj gou roxnyinh sim’onj. Mwh gou bungz daengz laekgaek gannanz, de youh lumj gangj: “Gaej doeknaiq！ Aeu saenq swhgeij！” Hawj gou youh dauq miz saenqsim.

O, gaujlah iq gou, lwgda de lumjbaenz dwg lwgda rox loenghfap, song da unqswnh yawj gou, naeuz hawj gou aeu daihdamj aeu genhciz roengzbae.

(lauxsae sonyinx：Ganh Gezmeiz Cinz Haijyangz)

我喜欢的东西多如牛毛，比如：精致的笔袋、艳丽的山茶花、可爱的小猫咪。但是我最心爱的是一只考拉玩偶。

它可不是一只普通的考拉玩偶，为什么这么说呢？因为它从我开始记事时就一直陪伴在我身边。至于它是怎么来的，我依稀记得是在某个地方的娃娃机里夹出来的。

它几乎全身都是粉色的。它的身高约有15厘米。小脑袋上有两只半圆的耳朵，耳朵中间有着白色的绒毛，脸上有着一对圆溜溜、像巧克力豆似的眼睛，和一个可爱的小鼻子。身子呢，都是粉色的，只有肚皮被雪白的绒毛覆盖。四肢也都是粉色的，不过手心有一点点白色。它整体毛发虽然有些粗糙，但摸着还是很舒服的。

它还是我成长道路上的一位见证者。打雷下雨的夜晚，我都会紧紧地抱着它，而它仿佛在说：“别害怕，有我在！”让我感到安心。每当我遇到挫折、困难时，它又仿佛在说：“别气馁！要相信自己！”使我重拾信心。

哦，我的小考拉，它的眼睛像是一双魔法眼，它们温暖地注视着我，告诉我要勇敢要坚持不懈。

(指导老师：甘杰梅 覃海洋)