Daxdaiq gou ra mbouj raen geij duz gaeq, dauqdaej miz geijlai duz ra mbouj raen de cix mbouj rox. De mbouj doegsaw gvaq, ndigah ngamq rox geq ndeu daengz cib. Caenhguenj baenzneix, daxdaiq ngoenzngoenz bae geq gij gaeq de miz geijlai duz. Ngoenzneix banhaet, de geq sat ngamq miz cib duz, hoeng bingzciengz geq daengz cib duz lij geq caengz liux ne, de cij rox miz gaeq mbouj raen lo.

De yug baenz haet, cungj mbouj rox ndaq bouxlawz, ndaq baeg liux cij ndaejgeiq bae coih bakgamx. De cix coih cix damzbyoedbyoed:“Hangz gou mbouj rox geq soq, caeg gij gaeq gou bae baenzlai duz.” Gou cam de: “Mbouj raen geijlai duz gaeq?” De naeuz: “Haujlai duz.”

Gou fwt siengj riu, gij gaeq aiq senq loem lo, hoeng daxdaiq ngoenzneix cij rox gaeq loem. Gou miz di huj, daxdaiq baengh gip nyapnyaj、 ndaem di reihnaz cijndaej ciengx gou hung, daxdaiq gou yienghneix haemzhoj lo, lij miz vunz damdoz gij gaeq de. Daxdaiq cuengqrengz coih gij bakgamx duz- gaeq, lau duzgaeq ndonjdeuz. De ngawz lai lo, duzgaeq okdaeuj mbouj ndaej, hoeng vunz haeujbae ndaej ha. Gij gaeq daxdaiq mbouj raen, de sim’in raixcaix, de ngamq rox geq soq daengz cib, soq mauhgvaq cib, couh mbouj rox dwg geijlai, cijrox dwg haujlai haujlai lo.

Gou sawqmwh siengj daengz, daxdaiq caemh rox geq gou mbouj youq ranz geijlai ngoenz dem, de rox ndeu daengz cib ndwi, baenzlawz geq ndaej gou mbouj youq ranz geijlai ngoenz ne?

Bouxraiz dwg Gvangjsih Minzcuz Dayoz Vwnzyozyen 21 Gaep Cunghgoz Yijyenz Vwnzyoz (Cunghgoz Saujsu Minzcuz Yij- yenz Vwnzyoz Fuengyiengq) Conh- yez Ban Sozsw Yenzgiuswnghbanh hagseng

外婆养的鸡丢了几只，具体丢几只外婆不知道，外婆没上过学，数数只能数一到十。尽管如此，外婆每天都要清点鸡的数量，今天早上，数完刚好十只，可通常数到十，是数不完的，这才发现鸡丢了。

她骂了一早上，也不知道骂谁，骂累了才想起修围栏，边修还边絮叨：“欺负我不识数，偷我那么多鸡。”我问丢了几只鸡，外婆说好多只。

我竟有点想笑，鸡可能早就开始丢了，只不过丢到今天，才丢到外婆的算数水平内。我很无语，外婆靠捡垃圾、种边角地才把我养大，我外婆已然这般境况，竟然还有人惦记她的鸡。外婆很努力地修复围栏，生怕鸡再跑出来。她好傻啊，鸡是出不来了，可人进得去呀。外婆很伤心，觉得丢了很多鸡，她只能数到十，多于这个数字，便是很多很多。

突然想到，外婆也会数日子，数我不在家的日子，她只能数到十，她怎么数我不在的日子过去了几天呢？

作者系广西民族大学文学院21级中国语言文学（中国少数民族语言文学方向）专业硕士研究生班学生