Daxmeh caeuq gou cungj gig gyaez gip mbawfaex loenq. Dou mwh bae binbya gip, mwh bae youz gip; ngoenzrengx gip, ngoenz fwndoek hix gip.

Gij mbaw dou gip dauq haenx dou uet seuq, geb haeuj ndaw bonjsaw, mbawde couh bienq bingzlili lo.

Hoeng, baenzlai mbawfaex gyaeundei, yaek baenz- lawz ndaej yo roengzdaeuj ne? Dou siengj ok aen banhfap ndeu——Aeu gyoengqde nem baenz fukveh!

Vaiq yawj! Mbaw doz dou aeu mbawloenq nem baenz haenx, ndei mbouj ndei yawj? Ngiengxgyaeuj yawj gij veh neix, dou couh siengj hwnj gij saeh mwh dou gip mbawfaex, dauqngeix haujlai saeh mizyinx okdou baeyouz haenx. (Vuz Siuhyenj/raiz)