Beixnuengx raen gou dij,

Mbouj sij cuengq gou ce,

Caiq yienghlawz yienghde,

Mbouj ce gou lanzcienh.

Baedauq baengh beixnuengx,

Mbouj cuengq ce gwnzroen,

Haeujhag ndaej geij ngoenz,

Gij moen(huk) bae mbouj dauq.

Caeuq vunz caemh hujgeiq,

Gou ngeix nanz baenz gya,

Miz beixnuengx doxdaz(fuz),

Cij rox yaz(ndaej) baenz ciuh.

Caeuq vunz caemh hujgeiq,

Vunz ndaej bae ra ngaenz,

Gou lwgda mbouj raen,

Ngoenz gwn gaenz ndawrug.

Ndei miz gyoengq baengzyoux,

Mbouj yiemz gou dafangz,

Roi byoem youh cangndang,

Naeuz gou sang gvaq doih.

Gou mbouj miz buhvaq,

Soengq gvaqdaeuj hawj raeuz,

Hujgeiq sim caen mbaeu,

Daengq gou gaej yiemzheiq.

Gwnzgyaeuj daengz lajdin,

Miz sim soengq hawj doh,

Lumj beixnuengx doengz roq,

Lohloh cungj doxbang.

Yienghyiengh baengh hujgeiq,

Gou mbouj ngeix gij lawz,

Hujgeiq ngoenz bae haw,

Yienghyiengh dawz daeuj soengq.

Gou guh vunz lajmbwn,

Mbouj ndaej lumz hujgeiq

Ngoenz gwn gou cungj ngeix,

Seiq lawz cij ndaej boiz.

Doiq hujgeiq mbouj gvaq,

Gvaq lawz cungj daiq gou,

Gyoengqde mbouj nyaeknyaeu,

Daiq raeuz bae haw liuh(youz).(7)