“Segih dou baenz aen segih buengjyiengh minzcuz doxgiet baenaj swcigih, baengh‘haj doxgap’couhdwg doxgap baenz vangj、doxgap cauhguh、doxgap guhdoih、doxgap banhsaeh、doxgap bangcoengh, hawj gak minzcuz laindei doxcunz doxrox doxgyaux, laebguh aen segih dox- gyaux caemh youq, hawj hawsingz engq ndei ciephaeuj gyoengqvunz minzcuz vunznoix、gyoengqvunz minzcuz vunznoix engq ndei yungz- haeuj hawsingz.”10 nyied 13 hauh banhaet, Nanzningz Si Hinghningz Gih Minzswngh Gaihdau Vangsenh- boh Segih Dangjveij suhgi Cau Liuzfwnh baenzneix lwnh dou.

Aen segih neix seizneix miz 6348 ranz vunzyouq, miz 1.2 fanh vunz gingciengz youq, miz 3 fanh vunz liuzdoengh, ndawde miz 3000 lai boux vunzyouq minzcuz vunznoix baudaengz Bouxcuengh、Yauzcuz、Myauzcuz、Dungcuz、Veizcuz、Veiz- vuzwjcuz、Dujgyahcuz、Manjcuz daengj. Aen segih neix doxgap gaenjmaed guh ndei hong segih caeuq hong minzcuz hawsingz, caemh guh caemh yungh cix mboujduenh hawj vunzlai seizseiz cungj nyinh Cunghvaz Minzcuz ranz vunz ndeu. Hongsaeh minzcuz hawsingz caeuq guenjleix aenbiengz doxyungz laeg- luemx cix baenz le gij gingniemh moq、guhfap moq Nanzningz Si guh hong minzcuz hawsingz.

“Gyoengq dou youq ndaw segih neix, baenz beixnuengx ndei, ndaej coengh couh coengh, boux liz mbouj ndaej boux dahraix.”Boux vunzyouq Bouxgun Yangz Dez naeuz. Boux dangjyenz、gunghcwngzswh gaugaep gyausou gaep duiyouh vunz Veizcuz 83 bi ndaw segih neix heuhguh Lij Yuzhuj, gingciengz baengh gij ciennieb cihsiz gag nyienh fugsaeh vunzlai. De naeuz：“Daengx segih baenz ranz hung ndeu, segih couhdwg aen ranz vunzyouq ndaw neix, gak minzcuz caemh ranz ndeu. Youq aen ranz minzcuz doxgiet huzndei neix, gou raen ndaenggon、vuenyungz lailai.”

（Cinz Vwnzvuj Vuz Hansiz）

（youq Gvangjsih Yizbau genj aeu mbangj daeuj hoiz）