Sinhvazse Baekging 10 nyied 15 hauh dienh Faenh cazci《Giuzsi》geiz 20 youq 10 nyied 16 hauh okbanj de fat bien faenzcieng youqgaenj《Haiok Aen Diendeih Moq Maj- gwzswh Cujyi Habngamj Cungguek Habngamj Seizdaih》youz Cunghgung Cunghyangh cungjsuhgi、Guekgya cujsiz、Cunghyangh Ginhveij cujsiz Siz Ginbingz raiz de.

Faenzcieng daegbied gangj daengz, Ngeihcib Daih Dangj raeuz daezok gaiq hong hungnaek haiok aen diendeih moq Majgwzswh Cujyi habngamj Cungguek habngamj seiz- daih, daegbied gangj daengz neix dwg diuzrap naekgwg gyoengq vunz Cunghgoz Gungcanjdangj ciuhneix aeu rap hwnj ndeu. Raeuz aeu aen daezmoeg neix guh cizdij hagsib, cix yaek gyalaeg bae nyinhrox Dangj raeuz cauhmoq lijlun hab gvilwd, mingzbeg doekdingh gij fuengvih、fuengyiengq、fuengfap moq gven- daengz cauhmoq lijlun, youq seizdaih moq gwnzroen moq cauhmoq lijlun aeundaej cwngzgoj lailai bae.

Faenzcieng vixok, dauqyawj gij lizsij Dangj raeuz buekguh bak bi, Dangj raeuz vihmaz ndaej youq gwzming、gensez、gaijgwz gak aen lizsij seizgeiz aeundaej cwngciu hung- loet, ndaej lingjdauj yinzminz guh- baenz gij yinvu gannanz hoeng doengh gij cwngci lizlieng wnq cix cungj mbouj gojnwngz guh ndaej daengz haenx, goekgaen dwg gaemdawz gij gohyoz lijlun Majgwzswh Cujyi, caemhcaiq mboujduenh giethab saed- guh moq doicaenh cauhmoq lijlun, hawj Dangj raeuz ndaej miz gij rengz caenleix giengzak. Aen Baugau Ngeihcib Daih Dangj raeuz baengh cungjgez gingniemh lizsij, daezok caemhcaiq lwnhgangj le gij fuengfap doicaenh Dangj raeuz cauhmoq lijlun hab gohyoz cixdwg “song aen giet- hab”、“roek aen bietdingh aeu seizseiz guh”daengj, cauh’ok le gij goekgaen laebdaeb doicaenh Dangj raeuz cauhmoq lijlun aeu ciuqei de, raeuz yaek dawz ndei、 yungh ndei.

Faenzcieng vanzlij vixok, yaek seizseiz souj maenh gij lingzhoenz caeuq goekgaen cauhmoq lijlun, yaek gejdap goqdaez moq seizdaih ndaej dad seiz hab gohyoz, yaek roengzrengz doicaenh gij lijlun cauhmoq Dangj raeuz baenz dijhi hab yozsuz, yaek yawjnaek daj gyoengq beksingq cauhguh ndawde sou aeu dungxcaiz cauhmoq lijlun.

（youq Yinzminz Yizbau genj aeu mbangj daeuj hoiz）