Gaiq Ngeihcib Cunghgoz-Dunghmungz Bozlanjvei Ciemdingh

Hanghmoeg Gungh Roengzcienz Mauhgvaq 4800 Ik Maenz

Sinhvazse Nanzningz 9 nyied 17 hauh dienh Aen Yizsiz Ciem- dingh Hanghmoeg Gaiq Ngeihcib Cunghgoz-Dunghmungz Bozlanjvei 9 nyied 17 hauh youq Gvangjsih Nanz- ningz gawjbanh. Gaiq Dunghbozvei neix gungh ciucomz ciemdingh 470 aen hanghmoeg roengzcienz gapguh, gij soq roengzcienz gungh miz 4873 ik maenz, ndawde roengzcienz guh hangzdajcauh ciemq daengxcungq mauhgvaq 65%, gij soq ciengzbaez hozdung、hanghmoeg ciemdingh、gyonjsuenq roengzcienz caeuq roengzcienz guh hangzdajcauh cungj beij doengh gaiq gaxgonq lai sang caez.

Hopheux aen cawjdaez“dox- ngamj caemh hoengh hwnq mbanj- ranz, diuzmingh doxcaemh caez baenaj——doidoengh ‘it rangh it loh’ hwngfat ndei saed caeuq dajcauh giz goek ginghci demmaj”, gaiq Dunghbozvei neix daengxbuenz maeuzveh gawjbanh 70 lai ciengz hozdung hungnaek coihawj gak baih roengzcienz, gungh genjleh ciucomz 184 aen hanghmoeg youq yienh- ciengz gyonjcomz ciemcoh doxdingh. Ndawde, miz 170 aen hanghmoeg roengzcienz gapguh、14 aen hangh- moeg “byaij okbae” roengzcienz haeuj rog guek caeuq hanghmoeg guek nem guek gaicawx. Bingzdan gij soq reongzcienz hanghmoeg miz aen 18 ik maenz doxhwnj, beij gaiq gonq gyalai 3 ik maenz. Ndawde, 17 aen hanghmoeg 50 ik maenz doxhwnj, gij soq roengzcienz ciemq daengxcungq bae 52%; 26 aen hanghmoeg 20 daengz 50 ik maenz, gij soq roengz- cienz ciemq daengxcungq bae 23%; 15 aen hanghmoeg swhbwnj rog guek, gungh roengzcienz 105 ik maenz.

（Cinz Yizfanz）

（youq Sinhvazvangj aeudaeuj genj mbangj fanhoiz）