Ndaw hongh ranz gou miz song duz douq hau gig dwggyaez.

Duz ndeu heuh fwjhau, duz ndeu heuh naehau. Song duzde ndang daenj buh hau, miz song aen rwz raezrangrang. Rwz fwjhau dwg boep doxroengz, lumj song diuz mengq dahniq nei. Rwz naehau dwg daengj doxhwnj, lumj song gaiq diensienq nei daengjsoh. Song duzde miz seiz gig doxndei, ndaej umj doxcaez rouxringx; miz seiz fwjhau “hangz” naehau, caemhcaiq gwih hwnj gwnz ndang naehau bae, lumj laeq lwgnyez hengzvang nei.

Gou gingciengz dawz sauqbaet cuengq youq baihnaj fwjhau caeuq naehau, song duzde gyaez haeb dawz sauqbaet byaij bae byaij dauq. Danghnaeuz gou dawz aen gyoij mbiq ndei haenx cuengq youq baihnaj gyoengqde, gyoengqde itdingh coemj gvaqdaeuj ciengj gwn, yaepyet couh gwn liux.

Gou gig gyaez song duz douq neix, gyoengqde dwg song duz “baujboiq” dijbauj gou!

(Cinghdauj Si Gozgaih Sizyen Yozyau ngeih nienzgaep Ciz Yozhih)