Liujcouh Guh Hozdung Aen Singhgiz Ndeu Lwnhgangj Doigvangq Gij Vahbujdungh Daengx Guek Gaiq Daih Ngeihroek

9 nyied 6 hauh, Liujcouh Si Minzcunghveij、Luzcai Yen Veij Dungjcanbu doxgap youq Luzcai Yen guh cawjdaez hozdung lwnhgangj bi 2023 Liujcouh Si “Lailai hawj vunz bae yungh gij vah gij saw daengx guek caemh yungh seizseiz hawj vunz laemxsim nyinhdingh Cunghvaz Minzcuz ranz vunz ndeu”. Gyoengqde aeu APP、aen hauh veihsin vunzlai daengj youq gwnzmuengx gaenxmaenx doigvangq aen cwngzsi iq veihsin “hag vah coi doxgiet Liujcouh”, caiq guh hozdung lumjbaenz aeu Vahbujdungh cuengq sing doeg、biujyienj fwen foux minzcuz、miz ciengj ciengjdap gij cihsiz couqmaenh gij eiqsik caezcaemh Cunghvaz Minzcuz daengj. Neix langhbaij le vunzlai gak minzcuz Liujcouh miz aendangj dazyinx, yienghndei vwnzva minzcuz youh laiyiengh youh doxcaemh, vunzlai hix gag roxnyinh aeu doigvangq lai yungh Vahbujdungh coenghrengz lajmbanj saenqhwng. Ngoenzde gungh miz sam bak lai vunz camgya hozdung.

（Lij Yinzciz/李云驰 Huz Aiyinz/胡爱云 Liu Mungcez/廖梦婕 Lij Dingz/李 婷）