“Aenndoeng raeuz dwg bauj, gwndaenj aeu baengh de; mbouj bya Yauz hoj ce, mbouj faex Yauz hoj lix……” Mboengqneix, Ginhsiu Yauzcuz Swciyen guh bi 2023 aen ban sonlienh bouxciepcienz sibsug sigbei Yauzcuz. Aen ban neix son 《Gij Lizsij Sigbei Yauzcuz》《Seizgeiz Moq Sigbei Miz Maz Yungh》 daengj goq; caiq lwnh youq seizgeiz moq faplwd fapgvi caezcienz, baenzlawz gya neiyungz moq haeuj gij gvidingh gij goeng’iek ndawmbanj, baenzlawz youq doengh aen mbanj miz diuzgen guh yizsiz dauq laeb sigbei daengj; caemhcaiq diucaz gij sigbei Yauzcuz lij miz geijlai gaiq ce daengz seizneix, gij gvidingh gij goeng’iek ndawmbanj moq guh ndaej baenzlawz yiengh、bouxciepcienz hag ndaej lawzyiengh daengj. Baez sonlienh neix daj 9 nyied 1 hauh guh daengz 16 hauh, gungh hajcib lai vunz camgya.

（Bangz Yaujvaz/庞晓华 Yez Mingzfungh/叶明峰 Liuz Bauj- cwngz/刘保成）