Naeuz sing “gyo’mbaiq” ndeu mbouj dwgrengz, hoeng gyoengq doengzhag cungj dwg mbouj genhciz guh daengz, aenvih daihgya rox- nyinh neix mbouj youqgaenj.

Rox baihlaeng “gyo’mbaiq” dwg gijmaz lwi? Dwg doiq vunz aeueiq. Mwh bouxwnq bang yaek aeu aeueiq daeuj hoizbauq, ndaw sam miux naeuz sing “gyo’mbaiq” ndeu, dwg gij vwnzmingz roxleix ceiqnoix haenx.

Byaij roen cien leix, daj lajdin hainduj. Sing “gyo’mbaiq” ndeu, dwg daejyienh gij cihsiz caeuq gyauyangj boux vunz ndeu. Gyo- mbaiq “iq” dwg hainduj gij vwnzmingz “hung”.

Youq ndaw gwndaenj bingz- seiz, raeuz wnggai gyo’mbaiq doenghgij vunz bang gvaq raeuz haenx. Mboujlwnh saeh hung saeh iq, vih raeuz hai dou, bang raeuz gip hwnj bonjsaw, mboujlwnh bohmeh、lauxsae、doengzhag, lijlwg baujanh、daxheiz baetdieg、fuzvu- yenz, cijaeu dwg bang gvaq raeuz, cungj wnggai youq ndaw sam miux naeuz “gyo’mbaiq”. Danghnaeuz seizseiz mbouj lumz gyo’mbaiq doenghgij vunz bang gvaq mwngz haenx, yienghneix mwngz couh seizseiz cungj roxnyinh daengz angqyangz.

(Vuj Fungh)