Biendah vareux hoengz,

Gwnzndoi gocoengz heu,

Bouxcuengh miz Fwenleux,

Eu ngoenz laep ngoenz haemh.

Youq aen dieg Guengjsae,

Fwen lae lumj raemxmboq,

Bouxgeq caeuq bouxcoz,

Fwen haenh guekcoj ndei.

Ngoenzneix daeuj guhfwen,

Dwen mbouj liux mbouj doh,

Raeuz haenh seizdaih moq,

Ngoenz hoj mbouj caiq raen.

Miz fwn va cij maj,

Miz ndit gva cij diemz,

Gungcanjdangj gaemgienz,

Diegsien youq Mbanjcuengh.

Mbanjcuengh bak va hai,

Vunzlai bouxboux angq,

Raeuz miz Gungcanjdangj,

Saeh’angq fwen mbouj caenh.

Cin daengz roeg ciengqgo,

Mbanjcuengh saehmoq lai,

Ngeihcib Daih ciuhai,

Gaiqgaiq bienq yiengh ndei.

Mbanjcuengh dwg diegndi(ndei),

Miz bya youh miz raemx,

Diuzoij miz cib gaen,

Lwggyoij aen’aen raez.

Dangj cwngcwz caen ndei,

Ranzranz meiz(miz) souhaeuj,

Donqdonq noh soengq laeuj,

Mbouj you daenj you gwn.

Raeuz gyaez dangj mbouj caenh,

Fwen haenh dangj mbouj caez,

Mbanjcuengh raeuz bienq ndei,

Fukheiq daih ciep daih.