Ndawhongh ranz gou miz go maksigloux gig hung ndeu, go maksigloux neix dwg daxboh gou mwh iq ndaem, gaenq ndaej samcib lai bi lo. Moix bi go de cungj maj ndaej mwncumcum, dawz mak duengqnaunau.

Moix bi daengz seizcin, go maksigloux neix couh lienzdaemh did ngaz heuoiq okdaeuj, ciemhciemh maj mwncumcum.

Daengz ndwen ngux raeujrub, vasigloux ndingyan hai rim daengx go, yawj hwnjbae gig ndeiyawj, hawj vunz haeujmaez!

Daxmeh naeuz: Maksigloux daj ciuhgeq daengz seizneix cungj dwg gij siengcwngh “lai lwg lai fuk”, miz gij hamzeiq doxcomz doxgiet, vunzlai gig gyaez de.

Daengz seizcou, maksigloux gwnz gomak nding- yanyan, lumj daengloengz iq venj rim gwnz gomak, ndingnding hoengzhoengz lumj yaek gvaq ciet nei.

Yaengyaeng buq aen maksigloux, baihndaw naed maksigloux ronghcingx dwggyaez, naedde ndaetndet doxgot youq doxcaez.

Maksigloux mbouj dan ndeiyawj, lij ndeigwn caeuq baenz yw. Maksigloux hamzmiz veizswnghsu C gig lai, cingdiemz habbak, gwn de ndaej hawj vunz noh hau nienzoiq, vunzlai cungj gyaez gwn. Naeng maksigloux gyagoeng le ndaej dawz daeuj cimq caz gwn, ndaej yw okdungx bw!

Maksigloux ndaw rog cungj dwg bauj ha!

(Vazdungh Swhfan Dayoz Sizyen Siujyoz Sinj Gyahyiz)