8 nyied 10 hauh, Mbanjdung Lungz- swng Gak Cuz Swciyen Lozgyangh Cin Dilingz Cunh guh hozdung minzsug “laeuj- bakranz”. Ngoenzciet, beixnuengx Dungcuz dieg de iu le gak minzcuz vunzlai doxcomz mbanj de, boq aenvenz、diuq fouxdonzyenz、gwn laeujbakranz、gingq laeuj lienzsim daengj, “dak” ok gij ndwenngoenz vuen- yungz gak minzcuz vunzlai. “Laeujbakranz”youh heuhguh “ngaizgyoeb”“laeuj- daizraez”, vunz Dungcuz aeu neix bae daih bouxhek youqgaenj. Bi 2008, “laeuj- bakranz Mbanjdung” ndaej senj guh swcigih gaep feihyiz. Seizneix, dieg de aeu neix guh aen hanghmoeg ndei bae hwngfat lijyouz minzsug lajmbanj.

（Veiz Gizyangz/韦吉阳 Vangz Dungz- gaij/黄同凯）