Gaenh geij bi neix, Dwngzyen aeu couqmaenh gij eiqsik caezcaemh Cunghvaz Minzcuz guh sienqmeh, gyavaiq hwnqguh gunghyez yenzgih coicaenh couhnieb, doidoengh gak minzcuz doxgyaux doxyungz.

Dwngzyen daengx buenz suenqveh doidoengh “yungzhab”. Gyagiengz Gvangjdungh Gvangjsih doxgap, yinxhaeuj canjnieb hanghmoeg youqgaenj, gyavaiq hwnqguh Aen Suen Canjnieb Cunghab Gang Vax. Laebbaenz aen siujcuj dazyinx hong minzcuz Dwngzyen, guh baenz rengzmbwk.

Yienh de hwnqguh bingzdaiz haeujlaeg “yungzhab”. Couhdwg guh doengh aen bingzdaiz fugsaeh giyez yenzgih caeuq vunzlai gak minzcuz couhnieb, cauhmoq guh “aen hawciengz honglingz”daengj, haeujlaeg aeu “suen”coi “yungz”, caiq gya- giengz aen binjbaiz “couhnieb fugsaeh + gak minzcuz doxgyaux hwngfat”.

Yienh de lij guh ndei seiqhenz coicaenh “yungzhab”. Haifat hwnqguh aen singz son’gyauq Dwngzyen, coicaenh vunzlai gak minzcuz youq- dingh an’onj、sim’angq guhhong, guh ndei aen dijhi guenjleix fugsaeh gij vunz riuzdoengh, laebguh aen diemj fugsaeh, son cwngcwz, coicaenh giyez sim’onj an’gya、vunzlai simnet guhhong.

（Huz Yenminj/胡艳敏）