Doenghbaez, youq gwnz diegnywj heuyau, miz duz maxloeghozraez siengjfap mbouj doengz ndeu. Lwgda de hungyat luenzlu, aen hoz raezrangh, geu buh raiz de gig ndeiyawj, mbouj miz vunz doengz, hoeng maxloeghozraez ngoenzngoenz ienq aen hoz de raez lai, siengj aeu aen hoz dinj ndeu. Neix dwg vih gijmaz ne?

Laxlawz maxloeghozraez gingciengz caeuq doengzdoih guhcaemz, hoeng mbouj miz vunz gyaez caeuq de guhcaemz. Aenvih aen hoz de saedcaih raez lai lo, bae ranz bouxlawz cungj gyongz byoengq dingj ranz bouxde aen congh hung ndeu.

Maxloeghozraez mbouj miz baengzyoux, de gig siengsim, de seizseiz cungj siengj: Swhgeij danghnaeuz miz aen hoz dinj ndeu geijlai ndei ha! Siengj ha siengj ha, mbouj rox seizlawz couh ninz ndaek lo, sawqmwh de lumjbaenz daeujdaengz lingh aen biengz ndeu, de raen aen hoz de bienq dinj lo, de angq dangqmaz.

De guhcaemz guh dwk guh dwk, de youh naet youh iek, couh siengj bae gwn doxgaiq, hoeng mbawfaex sang lai, de gwn mbouj daengz, de iek ndaej aen dungx hemq “gugu”, couh yienghneix, maxloeghozraez iek ndaej sam ngoenz sam hwnz, yienghneix de baenz bingh lo.

Bingh ndei le de cij rox, mbouj biet- dingh vihliux hawj vunz gyaez bae gaij- bienq swhgeij, de aeu aen hozraez de hawj doenghduz iq guh aen laerod, daihgya ciuq- yiengh guhcaemz ndaej angq dangqmaz! Geu ndit ndeu ciuq aen da de, de ndiu lo, laxlawz neix dwg ciengz loq ndeu ha!

(Suhcouh Si Cwngzda Sizyen Siuj- yoz Liuz Fanghyiz)