Ningzmingz：Guhndei Cienzswnj Baujhoh Hawj Veh-

bangxdat Byaraiz Mbaw “Mingzben Gim” Ronghsagsag

Bineix doxdaeuj, Ningzmingz Yen baengh vehbangxdat Byaraiz mbaw “mingzben gim” seiqgyaiq vwnzva yizcanj neix, guh 2023 nienz aen nduj “ngoenz Byaraiz Cungzcoj”、seiz doigvangq lijyouz vwnzva minzcuz Gvangjsih gaiq nduj daengj hozdung, mboujduenh fungfouq gij neihanz caeuq baihrog vwnzva Byaraiz, daezswng gij yienghsiengq binjbaiz vwnzva lijyouz Ningzmingz, cugyamq saedyienh daj “gingjdiemj lijyouz” cienjbienq coh “daengx gizdieg lijyouz”, doicaenh vwnzva lijyouz dox yungzhab、vwnzvuz baujhoh、guh- hoengh lajmbanj cingjdaej lienz- doengh, mboujduenh gikfat gij rengzhoengh moq hwngfat gizdieg ginghci.

Vih angqhoh laebbaenz 2023 nienz aen nduj “ngoenz Byaraiz Cungzcoj” caeuq bauq vehbangxdat Byaraiz Cojgyangh ndaej baenz seiq- gyaiq vwnzva yizcanj 7 hopbi, 7 nyied 7 hauh daengz 8 nyied 7 hauh, Ningzmingz Yen youq Vahsanh Vwnhcenz Siujcin banh “ngoenz Byaraiz Cungzcoj” baenzroix hozdung, hozdung neiyungz ndeiyawj lai yiengh, dwg ciengz hoihhoengh comz miz lijyouz、youqndwi、gijgwn ndei、yisuz、dijyuz、gyau baengzyoux daengj lai loh “cezmuz” doxcaez ndeu, doenggvaq cungj fuengsik cauhmoq caeuq cienzswnj dox giethab, hawj vwnzva Byaraiz miz hwngfat hoenggan moq caeuq rengzmingh moq.

Geij bi neix daeuj, Ningzmingz Yen yungh lai cungj banhfap, youq mwh baujhoh bae cauhmoq, youq mwh cienzswnj bae hwngfat, mbouj- duenh cat lwenq vehbangxdat Byaraiz mbaw “mingzben gim” seiqgyaiq gaep vwnzva neix, laebdaeb doidoengh hwngfat gizdieg ginghci.

(Luz Dezsanh Lij Hing)