Miz ngoenz ndeu, daxbuz maxloeg cingq daep nganxciuq nyinhcaen nyib buh. De nyib ha nyib ha, sawqmwh, mwh daxbuz maxloeg vuenh mae, fagcim “ding” sing ndeu doek roengz dieg bae lo. Fagcim baenzneix saeq baenzneix iq, daxbuz maxloeg baenzlawz ra ndaej raen lo. Mbatneix daxbuz maxloeg mbouj rox baenzlawz guh lo. Couh youq mwhde, maxloeg iq raen daxbuz de gij yiengh najsaep najmij, couh cam naeuz:“Daxbuz, mwngz miz maz yaek yungh gou bang lwi?” Daxbuz lwnh maxloeg iq fagcim doek lo. Maxloeg iq siengjsiengj le, de doiq daxbuz naeuz: “Buz, gou bang mwngz ra ba!” Maxloeg iq daj ndaw rug dawz daeuj gaiq swzdez ndeu, boemz youq gwnz dieg, yungh swzdez dep naj dieg menhmenh ra.

Seizde, swzdez maxloeg sup daengz fag cim youh saeq youh raez ndeu, ya, fag cim neix mbouj couh dwg fag cim daxbuz doek haenx ha? Maxloeg iq ganjvaiq dawz cim hawj daxbuz. Daxbuz raen le, angq dangqmaz, de doq ciep cim gvaqdaeuj doq haenh maxloeg iq dwg boux lwgnyez coengmingz ndeu. Maxloeg iq dingqnyi le, ndaw- sim angq raixcaix.

(Gyanghsuh Suhcouh

Vaigozyij Yozyau Yij Yozcwnz)