Bi’gvaq Roekit Ciet Lwgnyez, gou baenz boux Cungguek sausenhdui duiyenz miznaj ndeu. Youq singgo sausenhdui duigoh goksatsat haenx, daduicangj dawz hungzlingjginh ndinghoengz raek youq gwnz hoz gou, gou gamjdaengz miznaj raixcaix. Hungzlingjginh lumj boux daujswh nei, seizseiz dazyinx gou, hawj gou mbouj loeng fuengyiengq.

Mwh naengh didez, gou raen boux goenggeq ndeu mbouj miz diegnaengh, saenzdwddwd ndwn youq ndaw didez, seizde gou yawjraen hungz- lingjginh najaek gou, de lumj dwg lwnh gou naeuz: “Sausenhdui duiyenz wnggai dwg boux lwgnyez ndei aeueiq bouxlaux ndeu!” Yiengh- neix, gou ndwn hwnjdaeuj doiq goenggeq haenx naeuz:“Daxgoeng, cingj mwngz naengh!” Goeng- geq naengh daengz diegnaengh gou haxbaenh naengh haenx, gou yawjraen boh’au daxheiz ndaw didez gij lwgda gyoengqde cungj dwg haenh dwk yawj gou.

Mwh bae gai, gou gwn sat saejdaeuz le, ngamq siengj swnh fwngz vut aen daeh coux saejdaeuz haenx, mwhde, gou yawjraen hungz- lingjginh najaek gou, de lumjdwg cingq doiq gou naeuz: “Sausenhdui duiyenz wnggai dwg boux lwgnyez ndei souj goengdaek ndeu!” Yienghneix gou ganjgip hoet fwngz dauqma, dawz daeh coux saejdaeuz haenx vut haeuj doengjnyapnyaj giz mbouj gyae haenx bae, gou lumj dingqnyi doengjnyapnyaj doiq gou naeuz: “Gyo’mbaiq mwngz!”

Mwh sij cozyez, gou deng diuz daez ndeu nanz dawz lo, gou mbouj nyinhcaen siengj couh siengj bae cau dapanq, mwhde gou yawjraen le hungzlingjginh najaek gou, de lumjdwg daezsingj gou: “Sausenhdui duiyenz wnggai dwg boux lwgnyez ndei mbouj lau dwgrengz ndeu!” Yienghneix gou haep hwnj dapanq, gag naemj, doeklaeng guh’ok dapanq lo, gou lumjbaenz yawjraen hungzlingjginh cingq riunyumj coh gou ne!

Hungzlingjginh buenx gou majhung, son gou, bang gou, hawj gou moix ngoenz cungj miz cinbu moq, gou gyaez hungzlingjginh!

(Hoznanz Swngj Nanzyangz Si Dangzhoz Yen Youjlanz Siujyoz ngeih nienzgaep Dungz Cungzlinz)