Seizhah daengz lo, mbawngaeux ndaw daemz ndonj okdaeuj lo. Mbaw- ngaeux luenzlulu, heuyauyau.

Goep iq naeuz: “Mbawngaeux dwg aen gyong gou.” Goep iq aeu ga laeng yungh rengz dik aen gyong, roq ok yinhyoz ndeidingq. Yinhyoz yinx daeuj le roeg iq, roeg iq hix nyaenx mbouj ndaej ciengq go lo.

“Cici caca, cici ciuciu——” Singgo roeg iq, yinx daeuj le duz moed, yinx daeuj le daekmax, yinx daeuj le gyoengq siuj baengzyoux.

Moed iq naeuz:“Mbawngaeux dwg daiz gwnhaeux gou.” Moed iq ninz youq gwnz mbawngaeux diemzsubsub gwn gijgwn ndeigwn.

Daekmax naeuz:“Mbawngaeux dwg aen congz saetdiuq gou.” Daekmax riuhehe youq gwnz mbawngaeux diuq bae diuq dauq, diuq ndaej angqvauvau!

Siuj baengzyoux naeuz:“Mbaw- ngaeux dwg aen hauhdoengz gou.” Siuj baengzyoux gaem dawz hauhdoengz boq “dududa” coh gwnzmbwn, daengngoenz ndonj haeuj ndaw fwj bae lo; siuj baengzyoux boq “dududa” coh gwnz faex, roeg iq ndoj haeuj ndaw rongz bae lo.

Ya, mbouj ndei lo, fwn doek lo!

Naed fwn naeuz: “Mbawngaeux dwg aen laerod gou.” Naed fwn caj mbouj gib daj gwnzmbwn doek roengzdaeuj, ninz youq gwnz mbawngaeux rod bae rod dauq, angq raixcaix.

Siuj baengzyoux naeuz: “Mbaw- ngaeux dwg aen boiraemx gou.” De gienj mbawngaeux hwnjdaeuj, dawz daeuj ciep naed fwn, gulu gulu gwn roengz dungx bae, sing gwn raemx gig hung ne!

(Cezgyangh Swngj Lozcingh Si Vunghyangz Samsiuj it nienzgaep Cangh Yausuh)