Bi-

neix Vanzgyangh Ndaej Yaeb Lo

Mboengqneix, Aen Ciennieb Hozcozse Gosang Nonsei Vanzgyangh Namzdaihmonz laeng Vanzgyangh Mauznanzcuz Swciyen Mbanjbingzci, gyoengqvunz ndaw hozcozse nyaengq mbaet gij reh henj buek daih’it bineix. Hozcozse sawq ciengx le cib’it mbaw nonsei, aiq ndaej baenz cien ngeih gaen reh. Yienh de bineix yinx haeuj cungj binjcungj moq neix ne, gij reh giet okdaeuj henjrwgrwg, cix hung gvaq gij reh hau baeznaengz, canjlieng haemq sang.

（Mungz Hungzciuz/蒙宏谯 Cinz Yigenh/覃义坚）