Gyawj geij bi neix doxdaeuj, Lungzswng Gak Cuz Swciyen aeu couqmaenh gij eiqsik caezcaemh Cunghvaz Minzcuz guh sienqmeh, aeu caezguh aen gihci moq、dieg moq、cwngzgoj moq bae haeujlaeg guh hong cauhlaeb minzcuz doxgiet baenaj. Yienh de lij song baez aeu ndaej aen mingzdaeuz “Aen Cizdij Guhyiengh Guh Minzcuz Doxgiet Baenaj Daengx Guek”.

Aen yienh neix coihdingh《Aen Diuzlaeh Gagguenj Lungzswng Gak Cuz Swciyen》, dingh le 《Aen Diuzlaeh Henhoh Vwnzva Cienzdoengj Minzcuz Gwnzbiengz Lungzswng Gak Cuz Swciyen》 daengj. Yienh de caiq doidoengh cibroek aen mbanj ndaw- yienh aeu ndaej aen baiz “Aen Mbanj Miz Gij Daegsaek Siujsoq Minzcuz Cungguek”, laeb aen gihci diuzgaij ngaekngeu henzgyaiq dieg minzcuz gagguenj. Gyoengqde lij dawz doengh mbaw veh lwnh cienz fat ok Gvangjsihyinz bae, miz cib fanh lai vunz diemj haeujbae yawj daengj. Lungzswng yaek cauhmoq doicaenh cauhlaeb minzcuz doxgiet baenaj, gyagiengz gak minzcuz doxgyau dox baedauq doxyungz.

(Banh Vanhauz/潘万濠 Cinz

Yenyen/陈燕燕)