Cunghyangh Ngeihcib Daih,

Daengx seiqgyaiq cimyawj,

Lamzdoz sij baenz saw,

Gawqgawq vunz cungj haenh.

Ngeihcib Daih cingsaenz，

Daihgya aeu gaenx hag，

Youq ndawsim doekrag，

Hag maz cungj mizrengz.

Guekcoj raeuz hung’ak,

Gak raenz youq gwnzmbwn,

Guhhong caeuq ninz gwn,

Cungj youq gwnzde caez.

Ngeihcib Daih cingsaenz,

Caenh(coi) raeuz buet siujgangh,

lwgminz bouxboux angq,

Ngangqngangq(boux) hwnj ranzlaeuz.

Lajmbanj cinhingh ndei，

Sei gvaqlawz cungj ngaih，

Seiqfueng caeuq betbaih，

Hai doeng roensuijniz.

Guh lajmbanj cinhingh，

Fatbingh hix mboujlau，

Ywbingh nungzhoz bau，

Louzyih mbouj gyau ngaenz.

Minzcwng fat dihbauj，

Caugu(ciuqgoq) boux vunz gyanq，

Ciuq ndwen fat daengz ranz，

Bouxgyanq gvaq ndaej ndei.

Bouxlawz miz ranzvaih，

Guh veizfangz gaijcau，

Cwngfuj hawj ngaenzhau，

Cauh aen ranzlaeuz moq.

Doegsaw mbouj sou ngaenz,

Lij faen donq yingzyangj,

Hagseng yawjraen angq,

Dangj cwngcwz caen ndei.

Dangj cwngcwz caen ndei,

Ndaemreih couh hawj ngaenz,

Ciuq moux soq daeuj faen,

Hawj ngaenz daengz gak ranz.

Veisingh ciepsougih,

Bujgiz daengz caez gvaq,

Haethaemh bae doengh ma,

Daihgya yawj densi.

Ranzmbanj raeuz banneix,

Caen dwg ndei lailai,

Reihnaz yungh gihgai,

Ce duzvaiz mboujyungh.

Youq ranz ndaem gosangh,

Ciengx nonsangh fatcaiz,

Hojlungzgoj baenz gai,

Caiq lai ndaej souhaeuj.

Ngeihcib Daih cijsi,

Miz leih raeuz ranzmbanj,

Gwndaenj gvaq siujgangh,

Mboujlumz dangj aencingz.