Vih dawz hagdangz son’gyauq guhfwen caeuq vwnzva cienzciep engq ndei doxgap hwnjdaeuj, baengh gij rengz aen binjbaiz “Hawfwen Guengjsae” caiq doidoengh hwng- fat hagdangz son’gyauq, ra ok diuz roen engq habngamj gungganq fuhozhingz yinhyoz vunzcaiz dieg minzcuz, hawfwen lwg- louxhoengz Gvangjsih Minzcuz Cunghdwngj Conhyez Yozyau gaenxmaenx sinhbau “Hawfwen Guengjsae”. Mboengqneix ndaej baecinj venjbaiz, baenz le daengx gih hajbak lai aen hawfwen guhyiengh ndawde aen ndeu.

Baenz le aen hawfwen guhyiengh ndawgih, hagdangz yaek laebdaeb daiqlingx guh ndei aen binjbaiz conhyez minzcuz yinhyoz caeuq diuq foux, caiq daezswng sevei yauqwngq, hawj hawfwen Guengjsae youq ndaw hagdangz minzcuz guh’ok gij rengz ganq vunz caeuq cienzciep vwnzva.(Dwngz Mingzsih/滕明新 Couh Mauz/周 矛)