|
Lai Yiengh Hozdung Coux Ngux Nyied Co’ngux
多样活动迎端午节
|
 |
| ◀6 nyied 18 hauh, Mungzsanh Yen guh Mungzsanh caeuq Libuj Yen fwenfoux doxgyau, angqcoux ciet ndei cienzdoengj. Yienhciengz miz eu fwen caeuq diuq foux aenliengj、foux faexcuk、foux gvaengxluenz daengj. Hozdung hawj song yienh ndaej gyaulouz baedauq, guh’ok fwnhveiz naekna hawj vunzlai angq gvaq ciet.(Gyangh Yungjluz/江永录) |
|  |
| ▲6 nyied 14 daengz 15 hauh, vunzlai gak minzcuz Yungzanh Yen Yajyauz Yangh doxcomz Mbanjcuengh Sihgujboh, duk haeuxfaengx、guh daehhom daengj. Daihgya aeu duhheu、makcauj、maklaeq、duhhoengz、nohsamcaengz、duhnamh roek cungj liuh gyaux haeuxcid, guh le aen faengx hung “minzcuz doxgiet” naek hajcib gaen. Aen de eiqsei dwg hajcib roek aen minzcuz lumj ngveihlwgloux gotndaet youq giz ndeu, doxgiet doxbang, caez cauhguh ndwenngoenz gyaeundei.(Liu Yizcingz/廖日晴 Cangh Cing/张 静) |
|  |
| ▲6 nyied 17 hauh, Fuzsuih Yen guh bi 2023 “aen ciet raeuz·ngux nyied co’ngux” doxdax cauhruz. Ndaw yienh rog yienh gungh samcib sam aen doih camgya. Baez doxdax neix hawj aen ciet engq mizyinx, caemhcaiq cienzciep caeuq fatyiengz le aen sibgvenq cienzdoengj guek raeuz, coicaenh gak minzcuz doxgyau baedauq doxyungz.(Luz Vwnzfeij/卢文斐) |
|
|
|
| |
|
| 下一篇4 |
|
|
缩小
默认
