Daj bineix doxdaeuj, gih raeuz gunghsiuhse daengx hidungj okrengz doinyoengx vuzliuz lajmbanj hwngfat youh swnh youh ndei. Suenq daengz dangqnaj, daengx gih hwnqguh 56 aen cunghsinh vuzliuz boiqsoengq yienh gaep、661 aen camhgyang geiqsoengq vuzliuz yanghcin、7843 aen camh- fugsaeh cunghab geiqsoengq vuzliuz cunh gaep; yinxhaeuj 72 aen cungh- yangh giyez caeuq minzyingz giyez daeuz hangznieb, gungganq 183 aen giyez daeuz vuzliuz lajmbanj, cuengq 11.79 ik maenz daigvanj vuzliuz laj- mbanj, ciuyinx vunz roengz 97.11 ik maenz.

Hwnqguh aen dijhi vuzliuz geiqsoengq lajmbanj baenzsaeh ngoenz beij ngoenz lai. Dangqnaj, daengx gih 22188 aen mbanj“mbanjmbanj vaiqsoengq daengz”, 7294 aen hingzcwngcunh “vaiq- soengq ngoenzngoenz soengq”.

Aen dijhi densangh lajmbanj hwngfat vaiqvet. Guh baenz le aen cunghsinh baijgai doxgaiq nungzyez mizmingz maenhndei caeuq aen cunghsinh densangh yinyingz duh Gvangjsih gunghsiuhse, caemhseiz yaek youq gwnz vangj hai aen bingzdaiz fugsaeh liuzdoeng doxgaiq nungzyez Gvangjsih gunghsiuhse. Suenq daengz dangqnaj, daengx gih lajmbanj youq gwnz vangj gai doxgaiq lingz gungh ndaej 48.79 ik maenz, gij soq densangh canjyez yenzgih gaicawx gungh miz 12.35 ik maenz. Hwnq- guh gij hanghmoeg vuzliuz lajmbanj baenzsaeh lailai. Bi 2022 daengx gih bauqsoengq 52 aen hanghmoeg vuzliuz lajmbanj, gungh roengz 97.72 ik maenz. Bineix daengx gih ndaej cinjguh 39 aen hanghmoeg cienhangh hwngfat canjnieb guhhoengh lajmbanj, gungh roengz 74.96 ik maenz, mbaek daih’it nda 1.74 ik maenz cienz- ngaenz bangbouj.

（Vangz Yenginz Vangz Gengen）