Dawz Hwnj Diuz Rap Vwnzva Moq Haenqrengz Guhndei Vwnzmingz Ciuhneix Cunghvaz Minzcuz

Haenqrengz Guhndei Vwnzmingz Ciuhneix Cunghvaz Minzcuz

Sinhvazse Baekging 6 nyied 2 hauh dienh Cunghgung Cunghyangh cungjsuhgi、Guekgya cuj- siz、Cunghyangh Ginhveij cujsiz Siz Ginbingz 6 nyied 2 hauh youq Baekging camgya Aen Hoih Codanzvei Ciepswnj Caeuq Fatmaj Vwnzva caemh- caiq fatbiuj gangjvah youqgaenj. De daegbied gangj daengz, youz giz hwnjdin moq laebdaeb coi hawj vwnzva mwnhoengh、hwnqguh aen guekgya vwnzva ak、guhndei vwnzmingz ciuhneix Cunghvaz Minzcuz, neix dwg diuz rap vwnzva moq seizdaih moq. Raeuz yaek giendingh gag saenq vwnzva bonjfaenh、dawz ndei diuz rap、buekrengz guhsaeh, guhdoih haenqrengz cauhguh yiengh vwnzva moq aen seiz- daih raeuz, guhndei vwnzmingz ciuhneix Cunghvaz Minzcuz.

Vih hai ndei baez codanzvei neix, Siz Ginbingz gonqlaeng cunzyawj camrox le Cunghgoz Gozgyah Banjbwnjgvanj caeuq Cunghgoz Lizsij Yenzgiuyen.

Cunghgung Cunghyangh Cwngcigiz cangzveij、Cunghyangh Suhgicu suhgi Cai Giz buenxriengz cunzyawj caemhcaiq cujciz codanzvei.

Lij Suhleij、Dez Ningz、Cinz Yizginz、Cinz Gangh、Gyangh Sinci daengj riengz camgya hozdung. Doengh bouxcwngzyenz Cunghyangh Senhconz Swhsiengj Vwnzva Gunghcoz Lingjdauj Siujcuj、doengh bouxdungzci dangrap mizgven bouhmonz cunghyangh caeuq guekgya gihgvanh、doengh bouxdungzci dangrap gak danhvei ndaw cunghyangh senhconz vwnzva hidungj, doengh bouxdaibyauj lauxcangh yozcej doxgven daengj camgya codanzvei.