Vih cietsaed gyagiengz gij gvanhnen vunzlai ciuqfap sinfangj, roengzrengz dajcauh sinfangj rongh- sag、sinfangj cwzyin、sinfangj fazci. Youq mwh 《Aen Diuzlaeh Hong Sinfangj》 fatbouh saedhengz ndaej hopbi, Bahmaj Yauzcuz Swciyen Sinfangj Giz cujciz haiguh aen hozdung lwnhgangj 《Aen Diuzlaeh Hong Sinfangj》 “roek haeuj”.

Baez hozdung neix mbouj doengz baez wnq, Bahmaj miz Yauz、Cuengh、Gun daengj 12 aen minzcuz comz- youq, 30 fanh vunz, vih hawj gak cuz vunzlai lai roxnaj caeuq roxyiuj 《Aen Diuzlaeh Hong Sinfangj》, baez hozdung neix gungh cingj 22 boux bouxlwnhgangj gak minzcuz, yungh vah minzcuz bae gak yanghcin caeuq ndaw mbanj lwnhgangj, lumjbaenz Sihsanh Yangh miz vunzlai Yauzcuz、Bouxcuengh、Bouxgun daengj, vunzlai aenbaez gvenq yungh vah minzcuz bonjfaenh gangjgoj, dingq mbouj rox 《Aen Diuzlaeh Hong Sinfangj》, mbouj roxyiuj. Vihneix, aen giz neix youq mwh guh hozdung, couh yungh Vah- yauz、Vahcuengh、Vahgun lwnh- gangj, camhcaiq doengzcaez fanhoiz gejgangj, cienzmienh、lai gakdoh gejdoeg 《Aen Diuzlaeh Hong Sin- fangj》. Baez hozdung neix gungh lwnhgangj 45 ciengz, vunzlai dingq- gangj 2000 lai boux, fat 《Aen Diuz- laeh Hong Sinfangj》 2000 lai cek.

Baez hozdung neix hawj sinfangj ganbu caeuq vunzlai siujsoq minzcuz lai doxndei. Yungh vahmbanj、cingz- mbanj hoizsoeng gij simcingz dingj- dangj vunzlai sinfangj siujsoq minz- cuz, sonyinx vunzlai ciuqfap、miz bouhloh、vwnzmingz sinfangj, coi- caenh minzcuz doxgiet.

(Cinz Dayungj)