Sinhvazse Baekging 5 nyied 28 hauh dienh Cek saw Siz Ginbingz dungzci 《Lwnh Gohgi Gaglaeb Gag- giengz》Cunghgung Cunghyangh Dangjsij Caeuq Vwnzyen Yenzgiuyen bien haenx, mboengqneix youz Cunghyangh Vwnzyen Cuzbanjse okbanj, youq daengx guek fathengz.

Bouh saw cienmonz neix, sou le 50 bien sawgauj youqgaenj Siz Ginbingz mizgven gohgi gaglaeb gaggiengz, ndawde mbangjdi sawgauj dwg baez nduj goenghai fatbiuj.

Gohgi gaglaeb gaggiengz dwg gij giek guekgya hoenghvuengh、gij gvanhgen ancienz. Cibbet Daih Aen- dangj doxdaeuj, aen dangjcunghyangh aeu Siz Ginbingz dungzci guh vaedsim haenx yawjnaek hong gohgi cauhmoq dangqmaz, dingj aeu cauhmoq guh daih’it doenghlig yinxlingx hwngfat, aeu gohgi cauhmoq baij youq aen diegvih vaedsim daengx buenz guek- gya hwngfat, cienzmienh maeuzveh hong gohgi cauhmoq, gyavaiq doicaenh gohgi gaglaeb gaggiengz, gihcuj yenzgiu caeuq codaeuz cauh- moq mboujduenh gyagiengz, mbangjdi gvanhgen gisuz saedyienh dwk- byoengq, canlozsing canjyez hwngmoq hwngfat guh hung, gij cwngzgoj cauhmoq hungnaek doxceng okyienh, guek raeuz gohgi saehnieb aeundaej cingzcik doenghbaez caengz miz gvaq、fatseng bienqvaq doenghbaez caengz raen gvaq, haeujdaengz gij hangzlied yiengh cauhmoq guekgya. Siz Gin- bingz dungzci hopheux doicaenh gohgi gaglaeb gaggiengz fatbiuj baenzroix lwnhgangj youqgaenj, laebdin aen- dangj caeuq guekgya hwngfat daengx buenz canloz, gaemdawz seiqgyaiq seizseiq caeuq seizdaih ciuzlouz, gangj mingzbeg le gij diegvih youqgaenj gohgi cauhmoq youq ndaw vunzloih sevei hwngfat baenaj, lwnhgangj le gij canloz moegbiu、gij yinvu cungdenj、gij banhfap hungnaek caeuq gij gihbwnj iugouz doicaenh guek raeuz gohgi cauhmoq, daezok le baenzroix swhsiengj moq gvanhdenj moq lwnh- duenh moq iugouz moq, doiq raeuz haeujlaeg saedhengz aen canloz gohgyau hwng guek、aen canloz vunzcaiz ak guek、aen canloz cauhmoq gyaepdoengh hwngfat， laebcaez aen dijhi guekgya cauhmoq, gyavaiq hwnqguh gohgi ak guek, gyavaiq saedyienh gohgi gaglaeb gaggiengz suijbingz sang, gyavaiq cauhlaeb gij gwzgiz hwngfat moq, haenqrengz doidoengh hwngfat youh ndei youh vaiq, cienzmienh guhbaenz aen guek ak baenz daihneix sevei cujyi, aeu yiengh yendaiva Cungguek doicaenh Cunghvaz Minzcuz fukhwng hung- mbwk, miz cijdauj yiyi youqgaenj dangqmaz.