158. Cam:

Duenz mwngz coenz daihgouj,

Gaiq maz gouj baez fan?

Beix rox nuengx couh hoiz,

Gaiq maz a bin bya?

Hoiz:

Lwgsae soem liqle,

Gaiq de gouj baez fan.

Vwnz gienj dungh yuhyaz,

Gaiq de a bin bya.

159. Cam:

Duenz mwngz coenz daihcib,

Gaiq maz goep diuq mieng?

Beix rox nuengx couh hoiz,

Gaiq maz biengz baiz deih?

Hoiz:

Vunz vut gyaj daek boep,

Gaiq de goep diuq mieng,

Vunz ndaem naz doxriengz,

Gaiq de biengz baiz deih.

160. Cam:

Haetneix mwngz hwnqdaeuj,

Gaem gaiq maz daih’it?

Haetneix mwngz hwnqdaeuj,

Gyit(Bungz) gaiq maz daihngeih?

Hoiz:

Haetneix gou hwnqdaeuj,

Gaem aenriep daih’it.

Haetneix gou hwnqdaeuj,

Gyit(Bungz) gouhhaiz daihngeih.

161. Cam:

Haetneix mwngz hwnqdaeuj,

Gaiq maz doiq mwngz riu?

Haetneix mwngz hwnqdaeuj,

Gaiq maz ciuq mwngz naengh?

Hoiz:

Haetneix gou hwnqdaeuj,

Vanj raemx doiq gou riu.

Haetneix gou hwnqdaeuj,

Aendaengq ciuq gou naengh.

162. Cam:

Haetneix mwngz hwnqdaeuj,

Duz maz ndwn dou ringj?

Haetneix mwngz hwnqdaeuj,

Duz maz dingj laj cauq?

Hoiz:

Haetneix gou hwnqdaeuj,

Gyokdawh ndwn dou ringj.

Haetneix gou hwnqdaeuj,

Aengiengz dingj laj cauq.

163. Cam:

Haetneix mwngz hwnqdaeuj,

Duz maz naengh mbouj ndwn?

Haetneix mwngz hwnqdaeuj,

Duz maz ninz mbouj hwnq?

Hoiz:

Haetneix gou hwnqdaeuj,

Aen rum naengh mbouj ndwn.

Haetneix gou hwnqdaeuj,

Rinbanj ninz mbouj hwnq.

164. Cam:

Haetneix mwngz hwnqdaeuj,

Duz maz ndwn dangmienh?

Haetneix mwngz hwnqdaeuj,

Duz maz hix bae gonq?

Hoiz:

Haetneix gou hwnqdaeuj,

Lozyieng ndwn dangmienh.

Haetneix gou hwnqdaeuj,

Lwgdin hix bae gonq.

（23）