Bonj bauq siusik(gicej Luz Caudwz) 5 nyied 19 hauh, Nanz- ningz Si Gaiq Cibngeih Siujsoq Minzcuz Cienzdoengj Dijyuz Yin- dungvei youq Sanglinz Yen Gungh- gung Dijyuzcangz haimuq. 5 nyied 20 hauh daengz 29 hauh, 19 aen doih daiqbiuj daj Nanzningz gak dieg daeuj haenx doxceng gak loih hanghmoeg doxdax caeuq hanghmoeg biujyienj, langhbaij minzcuz dijyuz miz daeg- saek lai yiengh Nanzningz Si.

Gaiq yindungvei neix youz Nanzningz Si Yinzminz Cwngfuj cawjbanh, Nanzningz Si Minz- cunghveij、Nanzningz Si Dijyuz Giz、Sanglinz Yen Yinzminz Cwngfuj caezcaemh ciepbanh, guh 12 ngoenz, laeb miz maxfaex、haizgieg、lwgyienh、nyingznwj、dwkgyangq、vujsuz、dwk- dom、giuzcaencaw 8 aen hanghmoeg doxdax caeuq aen hanghmoeg biuj- yienj ndeu. Aen doih camgya doxdax aeu yienh、cwngzgih、gaihfazgih caeuq sisuz gauhyau daengj guh danhvei, gungh miz 19 aen doih daiqbiuj camgya doxdax.

Ngoenzhaenx, ndaw Sanglinz Yen Gunghgung Dijyuzcangz heiqfaenh minzcuz noengznwdnwd, haiciengz aen cezmuz daeuz dwg 《Yaem Gyong Hoenghhwd》. Gij neix le biujyienj haizgieg、maxfaex、dwkdom hawj yienhciengz bouxyawj roxnyinh daengz siujsoq minzcuz cienzdoengj dijyuz yindung hanghmoeg miz yinxdaeuz daegbied gagmiz noengznwd. Doengh- gij cezmuz haiciengz yienj, gaenjndaet hopheux diuz sienqmeh hong minz- cuz couqmaenh gij eiqsik caezcaemh Cunghvaz Minzcuz, hopheux gij yienghsiengq lijyouz vwnzva Sanglinz Yen, biujyienj funggek yienh’ok Sanglinz lizsij vwnzva、deih ndei vunz ndei, cungfaen baijok gij yiengh Nanzningz gak minzcuz doxgyau doxbaedauq doxyungz gvangqlangh、caezcaemh doxgiet buekguh、caez- caemh hwngfat mwnhoengh, langhbaij gij sicez yinxdaeuz Cunghvaz vwnzva、cauhlaeb aen gyaranz cingsaenz caezcaemh Cunghvaz Minzcuz, langh- baij gij cingzcik gaijgwz hwngfat Sanglinz Yen caeuq daengx si.

Haiciengz le, gak aen hanghmoeg doxdax laebdaeb youq Sanglinz Yen Gunghgung Dijyuzcangz、Sanglinz Yen Dijyau Cunghhoz Dijyuzgvanj、Sang- linz Yen Gunghyinz Vwnzvagungh、Sanglinz Yen Cwngznanz Segih Aen Cungsim Daengx Minz Lienhndang daengj seiq aen cangzgvanj guh doxdax. Daengz 29 hauh yindungvei gietsat gaxgonq, 1278 boux yindung- yenz yaek doxceng 162 gaiq baizgim, 316 gaiq baizngaenz, 476 gaiq baizdoengz.

Ciuq cam rox, Nanzningz Si siujsoq minzcuz cienzdoengj dijyuz yindungvei dwg aen hoihhoengh Nanzningz gak cuz beksingq doxgiet seiq bi guh baez, hix dwg aen daizheiq langhbaij minzcuz dijyuz miz daeg- saek fungfouq lai yiengh Nanzningz. Banh gaiq saeh neix, mboujdan fatyiengz minzcuz vwnzva、saenqhwng minzcuz cingsaenz、doidoengh daengx minz lienhndang miz yiyi youqgaenj, hix cauh le aen heiqfaenh doxhuz minzcuz doxgiet, coicaenh daengx si gij saehnieb minzcuz doxgiet cinbu hwngfat mwnhoengh.