Sinhvazse Baekging 5 nyied 21 hauh dienh 5 nyied 21 hauh, guekgya cujsiz Siz Ginbingz fak saenq cukhoh Ganghfu Gozci bak bi ging- denj, caemhcaiq youq mwh ngoenz bangcanz daengx guek, camnai gyoengq bouxndangcanz daengx guek caeuq beixnuengx de, camnai gyoengq boux guhhong bouxndangcanz, gyo- mbaiq gak boux vunz caeuq gozci cujciz gvansim haeujcoengh gij saehnieb bouxndangcanz Cungguek.

Siz Ginbingz naeuz, Ganghfu Gozci dwg aen gozci cujciz gizdieg hongsaeh bouxndangcanz miz yingj- yangj youqgaenj, vih henhoh gij viyiemz bouxndangcanz、baujcang gij gienzleih bouxndangcanz, gyalai gij fukheiq bouxndangcanz ok haujlai goengrengz. Cungguek gaenxmaenx haeujcoengh hong Ganghfu Gozci, yungh hengzdoengh saedsaeh doidoengh gij saehnieb bouxndang- canz aen guekgya ndaw hwngfat hwngfat baenaj、gyalai gozci sevei gvansim bouxndangcanz, vih gij saehnieb bouxndangcanz gozci ok faenh rengz Cungguek.

Siz Ginbingz giengzdiuh, Cung- guek gvansim、haeujrwz boux- ndangcanz dangqmaz, youq mwh yiengh Cungguek yendaiva hwngfat baenaj, yaek caenh’itbouh laebcaez aen cidu sevei baujcang boux- ndangcanz caeuq aen dijhi fugsaeh gvansim, hawj gij saehnieb boux- ndangcanz cienzmienh hwngfat. Cungguek nyienh caeuq seiqgyaiq gak guek doxcaez, caezcaemh doicaenh gij saehnieb bouxndang- canz gozci doxgyau caeuq doxgap, mboujduenh gyalai gij fukheiq cangqheiq vunzloih.

Ganghfu Gozci bak bi gingdenj youz Ganghfu Gozci cawjbanh, Aen Hoihlienzhab Bouxndangcanz Cung- guek ciepbanh, 21 hauh youq Baek- ging haimuq.