Geij ngoenz gonq, Gvangjsih ciuhai aen Hoih Sibinz Baijbouh Sonlienh Daengx Gih Haeujlaeg Guh Hong Gaicawx Sawqdiemj Gensez Yunghdieg Lajmbanj Cizdij Yungh- guh Ginghyingz, baijcouh caemhcaiq gawjdoengh hong sawqdiemj daengx gih gaicawx gensez yunghdieg lajmbanj. Ciuq cam rox, bineix 3 nyied 1 hauh, gih raeuz Nanzningz Si Binhyangz Yen、Liujcouh Si Yizfungh Gih、Yilinz Si Bwzliuz Yen daengj 15 aen yienh(si、gih) ndaej Swyenz Swhyenz Bu dingh guh dieg sawqdiemj haeujlaeg gaicawx.

Hangh hong neix dwg hangh yinvu Dangjcunghyangh baijbouh gaijgwz hungnaek, gvendaengz leih- ik nungzminz, nangqdaengz diuz- cingj gak fuengmienh leih’ik hung- naek. Dieg sawqdiemj aeu cibfaen yawjnaek diegdeih guekgya gveihva benhci saedhengz nangq daengz gij leih’ik bingzyaenx、diegdeih yungh guh gijmaz caeuq baenzlawz yungh diegdeih、sawjyungh diegdeih haw- ciengz gaemhaed、diegdeih gaicawx gyaqcienz hwnjsang le souik diuzcez、gaicawx caeuq baenz benq haifat diegdeih cwngsou gvanhaeh、gaicawx diegdeih yungh daeuj hwnqguh ranzyouq bauj hawj vunz miz ranz youq、henhoh hawciengz cawjdaej habfap gienzik、haeujnaek aen diegvih cawjdaej nungzminz daengj “bet aen vwndiz youqgaenj”; cagaenj doeksaed gyavaiq guhbaenz diegdeih guekgya gveihva benhci daegbied dwg gveihva aen mbanj saedyungh, guhsat gienzgaemmiz caeuq gienz- sawjyungh diegdeih cizdij doekdingh daenggeiq daengj “song hangh diuz- gienh daeuzgonq”; giengiet cimyawj mbouj naengz dawz nungzyez yungh- dieg cienj dem baenz gensez yunghdieg moq gaicawx, gij diegdeih hab diuzgienh gaicawx haenx mbouj ndaej dawz daeuj haifat guh sanghbinjfangz, mbouj ndaej dawz diegranz nungzminz nab haeuj gvaengx diegdeih gaicawx bae daengj “sam hangh fouqmienh cingdan”; gaenxmaenx damqra aen souik diuzcez gihci diegdeih gaicawx gyaqcienz hwnjsang le ndaej giemgoq guekgya、cizdij caeuq dangqboux nungzminz haenx, caeuq baujhoh nungzminz cizdij ndij dangqboux gienzik、baujmaenh hawciengz cawj- daej nyienh yungh rox yungh diegdeih gaicawx gienz’ik baujhoh gihci daengj “song hangh gihci youqgaenj”; giengiet henmaenh diegdeih gunghyoujci singqcaet mbouj bienq、diegdeih dajndaem sienqnding mbouj doedbyoengq caeuq leih’ik nungzminz mbouj deng sonjhaih daengj “sam diuz daejsienq”.

Gensez yunghdieg cizdij gingh- yingz gaicawx, dwg gangj lajmbanj cizdij ginghci cujciz roxnaeuz hawj- gienz saedhengz cawjdaej aeu aen saenfaenh boux gaemmiz diegdeih, doenggvaq aen hawciengz gaicawx diegdeih goenghai haenx, eifap dawz gienzsawjyungh gensez yunghdieg cizdij ginghyingz youq itdingh nienz- hanh ndawde oknyiengh、co、gujgyaq roengzbonj(haeujguj) daengj aeu cienz fuengsik gyau hawj danhvei wnq roxnaeuz boux wnq sawjyungh, caemhcaiq raiz habdoengz iekdingh caeuq boux sawjyungh diegdeih gienzleih yivu.

（Dangz Gvangjswngh Banh Linaz/唐广生 潘丽娜）