5 nyied 8 hauh, aen Hozdung Gvangjsih Minzcuz Vwnzyi Cezmuz Baijyienj youz Swcigih Minzcunghveij、Swcigih Vwnzva Caeuq Lijyouz Dingh cawjbanh haenx youq Nanzningz Si Cinghsiusanh Gyongdoengz Yinhyoz- daiz gawjbanh, 14 aen cezmuz daj daengx gih daeuj haenx cingcaij yienjok, gyonjcomz baijok gij cingzcik moq cauh’ok vwnzyi gak minzcuz gih raeuz, sengdoengh baijok gij cingzcik moq minzcuz doxgiet cinbu saehnieb gih raeuz. Swcigih Minzcunghveij Dangjcuj suhgi、cujyin Lij Cinlinz, dangjcuj cwngzyenz 、fucujyin Veih Yungjhungz, Swcigih Vwnzva Caeuq Lijyouz Dingh ngeih gaep sinzsiyenz Liengz Yinh, Swcigih Minzcuz Gunghcoz Veijyenzvei gak veijyenz danhvei、swcigih mizgven vwnzva danhvei caeuq gauhyau、gak si minzcungh caeuq vwnzlij bouhmonz、bouhfaenh minzcuz doxgiet cinbu sifan danhvei daibyauj caeuq minzcuz doxgiet cinbu mozfan goyinz daibyauj、 sevei ginzcung daengj daihgaiq 400 vunz youq yienhciengz ngonz baij- yienj.

Ciuq cam rox, baez baijyienj neix dwg 2023 “sam nyied sam Boux- cuengh·ciet guh’angq Betgveiq” hozdung ndawde aen bouhfaenh ndeu, dwg vihliux cienzmienh gvancez doeksaed gij Cingsaenz Ngeihcib Daih Dangj caeuq aen Hoih Hong Minzcuz Cunghyangh, doeksaed 《Gij Yigen Guekgya Minzveij Gvendaengz Gyagiengz Hong Vwnzva Senhconz Doicaenh Laebguh Suenranz Cing- saenz Caezmiz Cunghvaz Minzcuz》caeuq gij gietdingh baijbouh Swcigih Dangjveij、Cwngfuj gvendaengz laeb- guh couqmaenh gij eiqsik caezcaemh Cunghvaz Minzcuz.

Baijyienj aeu “Doidoengh Gak Minzcuz Vwnzva Cienzswnj Baujhoh Cauhmoq Laebguh Suenranz Cing- saenz Caezmiz Cunghvaz Minzcuz” guh cawjdaez, gungh faen baenz Angqfaengx Betgveiq、Doxgiet Gyauyungz、Caezsim Cuk Moengh sam aen biencieng. Cezmuz faenbied youz Gvangjsih 14 aen laeb gih si doisoengq, neiyungz aeu couqmaenh gij eiqsik caezcaemh Cunghvaz Minzcuz guh sienqmeh, doedok baijok Dangj Cibbet Daih doxdaeuj Gvangjsih minzcuz vwnzyi saehnieb fazcanj aeu ndaej gij cwngzgoj moq haenx.

Baez hozdung neix, doenggvaq ndadap aen bingzdaiz baijok caeuq gyaulouz vwnzyi cezmuz gak minzcuz, gujli daengx gih gak dieg cauh’ok engq lai vwnzyi cingbinj miz goekdaej nanoengq vwnzva Cunghvaz、supaeu yingzyangj gak minzcuz vwnzva、yungzhab yienhdaih vwnzmingz haenx, daj neix doidoengh gak minzcuz vwnzva cienzswnj、baujhoh、cauhmoq, coicaenh Cunghvaz conzdungj vwnzva maenhndei cauhmoq hwngfat, laeb- hwnj caeuq doedok Cunghvaz vwnzva fuzhau caeuq yienghsiengq Cunghvaz Minzcuz gak minzcuz caezyiengj haenx, vih raiz roengz yendaiva yiengh Cungguek biencieng Gvangjsih ok faenh rengz hung ndeu.

Ciuq ndaejrox, baez baijyienj neix doenggvaq lai aen vangjloz bingzdaiz guh sibinz cigboq, gungh miz gaenh 2 fanh vunz youq gwnz muengx yawjngonz.

(Couh Sisieng Liengz Yivaz Yinz Cez Veiz Yingjcinh/ 周世相 梁玉华 任 婕 韦颖琛)