Yienzlaiz Dwg

Mbungqmbaj

Yawj dauq baih doiqnaj,

Lumj miz va rox mbin,

Daengz doiqnaj baez dingz,

Cingq rox dwg mbungqmbaj.

Nonnyaiq Bienq Baenz

Mbungqmbaj mbin gvaqma,

Lumj va mbin gvaq gai,

Yienzlaiz dwg nonnyaiq,

Caiq bienqbaenz mbungqmbaj.

Mbungqmbaj Mbin

Ngeih sam nyied mbaj mbin,

Cingq dwg ndei mbouj gvaq,

Mbin gvaq laj dinbya,

Couh lumj va hai rongh.

Biengzbeih Deng

Yungyiemj

Biengzbeih mbin gvaq raemx,

Caemz bae caiq caemz ma,

Caemz daengz bak duzbya,

Yaek ra mbouj raen doih.

Duzrwi Gaenx

Duzrwi gyanghaet hwnq,

Bae cunz rungh cunz bya,

Ngoenzngoenz bae gyumq va,

Vih caezgya cauh dangz.

Ronghrib Diemj Daeng

Ronghrib miz aen daeng,

Daengz haemh de cij ndongq,

Mbin gvaq gyang daxhongh,

Yaep rongh lumj ndaundeiq.

Swiq Fwngz

Cij Gwn Haeux

Swiq fwngz cij gwn haeux,

Raeuz wnggai aeu dingq,

Song fwngz mbouj seuqcingh,

Yaek miz bingh haeuj ndang.

Hagseng Yaek

Aeu Gaenx

Hagseng yaek aeu gaenx,

Nyinhcaen bae hag rox,

Majhung miz daeuzloh,

Coq gyawz cungj baenzcaiz.