4 nyied 22 hauh, Gaiq Daih’it Cungguek—Dunghmungz(Nanzningz) Feihvuzciz Vwnzva Yizcanjcouh youq Nanzningz Minzgohhuz Gvangjcangz haimuq, 150 lai hangh feihvuzciz vwnzva yizcanj hanghmoeg daj Cungguek 25 aen swngj(gih、si) caeuq 8 aen Dunghmungz guekgya daeuj haenx gyonjgyoeb okdaiz. Boux biujyienj yunghsim bae yienj, bouxngonz ngonz dwk mizyinx supsup, caezgya dox yawjngonz hagsib, gamjsouh gij gyaeundei gak minzcuz vwnzva ndaw guek rog guek.

Cungguek—Dunghmungz(Nanzningz) Feihvuzciz Vwnzva Yizcanjcouh yaek banh aen singhgiz ndeu, de dwg “sam nyied sam Bouxcuengh·ciet guh’angq Guengjsae” aen cungdenj hozdung ndeu, neiyungz baudaengz Cungguek—Dunghmungz Feihvuzciz Vwnzva Yizcanjcouh haimuq hozdung、haw hung feihyiz Cungguek—Dunghmungz、baijyienj feihyiz Cungguek—Dunghmungz、Cungguek—Dunghmungz feihyiz “lungz” cawjdaez gyaulouz baijok、langhbaij gij cingzcik feihyiz haeuj hagdangz Cungguek—Dunghmungz、aen hoih codanz gyaulouz feihyiz Cungguek—Dunghmungz、Cungguek—Dunghmungz Feihyizcouh daih lienzvuen daengj.

Ndaw doz dwg haimuq biujyienj.(bonjbauq gicej Veiz Yingjcinh ingj)