2023年“壮族三月三·八桂嘉年华”欢乐启幕

刘宁孙大伟等与各族群众共庆佳节

Youq mwh daengx gih haeujlaeg guh aen cawjdaez gyauyuz hagsib gvancez sevei cujyi swhsiengj miz Cungguek daegsaek seizdaih moq Siz Ginbingz, 4 nyied 21 hauh banhaet, 2023 nienz “sam nyied sam Boux- cuengh·ciet guh’angq Guengjsae” aeu “sam nyied sam hwnghoengh buethaeuj seizdaih moq” guh cawj- daez haenx youq Nanzningz Si Cinghsiusanh hoenghhwd haimuq, aeu cienzswnj hwngfat conzdungj vwnzva maenhndei Cunghvaz guh cehsim, baijok gij hoenghhwd、gagsaenq、ginghci fazcanj ndeiraeuh seizdaih moq Guengjsae. Swcigih Dangjveij suhgi、Swcigih Yinzda Cangzveijvei cujyin Liuz Ningz, Swcigih Cwnghez cujsiz Sunh Daveij daengj daeuj daengz hozdung yienhciengz, caeuq gak cuz ginzcung itheij angqhoh ngoenzciet.

Ngoenzhaenx Cinghsiusanh va hai angjlwenq、sing fwen goksad、heiq doxgaiq ndeigwn rangfwtfwt. Banhaet 9 diemj, Liuz Ningz、Sunh Daveij daengj swcigih lingjdauj daenj buhvaq minzcuz daeuj daengz hozdung yienh- ciengz, caeuq boux ginzcung daibyauj Bouxcuengh Nungz Funggenh、boux minzcuz doxgiet cinbu mozfan goyinz baez daihcaet Nanzningz Si Linz Hingh, itheij vih 2023 nienz “sam nyied sam Bouxcuengh·ciet guh’angq Guengjsae” caeuq aen cezmuz Cunghyangh Gvangjbo Densi Cungj- daiz “Youq Gwnz Dieg Gvangqlangh Cungguek Doq Byaij Doq Diuq” biengj muq.

“Sam nyied sam” dwg gij ndaej- geiq caezcaemh Cunghvaz Minzcuz. Bineix“sam nyied sam Bouxcuengh·ciet guh’angq Guengjsae” haimuq yienjok faen baenz fungsug caeuq ngoenzhaw “sam nyied sam” ciuhgeq、guh’angq seizhwng、minzcuz doxgiet sam aen danyienz, doenggvaq hai ruz youz、gwnz raemx eu fwen diuq foux、seizcin youzlangh、lwgnyez dik giuz- duk、DJ seizhwng biujyienj、 fungsug gietvaen Bouxcuengh daengj gak cungj dozdung seizgeq ciuhneix dox giethab hawj daihgya caez guh’angq, guh dwk angq hoengh dangqmaz.

Liuz Ningz、Sunh Daveij daengj doq byaij doq yawj doq dingq lwnhgangj, seiz mbouj seiz daengx roengzdaeuj yawjngonz biujyienj baij- ok, byaij daengz henz huz, youq henz haenz cap nye goliux, lij youq bakdou gvaengh diegnywj hung haenx veh lwgda duz saeceij dem. Youq gwnz diegnywj hung, gyoengq daibyauj daengx gih gak cuz ginzcung caeuq gyoengq daibyauj beixnuengx Daiz- vanh itheij ciengq go diuq foux, nauh- yied dangqmaz. Liuz Ningz、Sunh Daveij daengj byaij haeuj ndaw ginzcung daibyauj bae, caeuq daihgya ragfwngz diuq fouxlienzsim, seng- soengh baijok gij cingzeiq naekna Cunghvaz Minzcuz doxgiet、minzcuz doxgiet ranz vunz ndeu.

“Gvangjsih bya heu raemx seuq, minzcuz vwnzva fungfouq angjlwenq, dwg ndawbiengz gizdieg fwen ceiq gyaez ndeu. Ginggvaq lai bi roengz- sim dajcauh, ‘sam nyied sam Boux- cuengh·ciet guh’angq Guengjsae’ gaenq baenz aen hoih hunghoengh baijok gij gyaeu minzcuz vwnzva、doidoengh ginghci sevei hwngfat、coicaenh minzcuz doxgiet.”Liuz Ningz gig haenh gij cingzyauq aen vwnzva lijyouz binjbaiz hozdung “sam nyied sam Bouxcuengh·ciet guh’angq Guengjsae”, giengzdiuh aeu genhciz aeu gij cingsaenz Ngeihcib Daih Dangj guh dazyinx, aeu vwnzva daeuj dajcauh lijyouz、aeu lijyouz bae baijok vwnzva, haeujnaek gietcomz swh- siengj、coicaenh fazcanj、hawj ginz- cung ndaej leih, doenggvaq guh gij vwnzva hozdung ginzcung gyaezmaij、neiyungz fungfouq lai yiengh haenx, dazyinx daengx gih gyoengq dangjyenz ganbu caeuq gak cuz ginzcung youq ndaw hagsib gvancez aen sevei cujyi swhsiengj miz gij daegsaek Cungguek seizdaih moq Siz Ginbingz raen miz saedyauq, aeu hag couq hoenz、hag hawj coengmingz、aeu hag cingq heiq、 aeu hag coi guh, caenh’it- bouh gyagiengz gak minzcuz dox baedauq dox gyaulouz dox yungzhab, maenhsaed couqmaenh gij eiqsik caezcaemh Cunghvaz Minzcuz, haenqrengz sij roengz bien faenzcieng Guengjsae yendaiva yiengh Cungguek, aeu laebguh seizdaih moq Gvangjsih gyaeundei vih Cunghvaz Minzcuz fukhwng hungmbwk dem rengz dem rongh.

Hoz Vwnzhau、Fangz Lingzminj、Hoz Yinzyoz、Vangz Veizbingz、Cai Lisinh、Nungz Swnghvwnz、Couh Yigez、Fangh Cunhmingz、Hij Yenj- veih、Myauz Ging’vang、Liu Binjhuj、Lij Cangzgvanh、Ciz Sauconh、Cenz Yozmingz、Liuz Yungjmeiz、Vangz Haijlungz、Mauz Cungvaz, Daengx Guek Cwnghez veijyenz、Haijyaz Song Hamq Gvanhhi Hezvei fuveicangj Lungz Mingzbyauh, Neimungzguj Swcigih Dangjveij cangzveij、Senh- conzbu bucangj Cwng Hungzfan, Cunghsenhbu Sinhvwnzgiz caeuq Gveicouh、Yinznanz、Sanjsih、Ningzya、Sinhgyangh daengj swngj gih dangjveij senhconzbu hekbengz, caeuq swcigih mizgven bouhmonz boux fucwz dungzci、gak cuz ginzcung daibyauj daengj itheij camgya gij hozdung gwnzneix.

Ciuq lwnhnaeuz, bineix “sam nyied sam Bouxcuengh·ciet guh’angq Guengjsae” laebdaeb guh ndwen ndeu, swcigih yaek guh 9 hangh cungdenj hozdung caeuq “fungcingz Gvangjsih Bouxcuengh noengzgwd” “minzcuz dijyuz lwenqndei”“doxiek youz Gvangjsih”“e vangj angqyangz cawx”“huzndei youz Guengjsae”haj aen bouhfaenh gungh 41 aen daihloih hozdung, daengx gih gihcwngz ginz- cung “sam nyied sam” hozdung yaek dabdaengz 1000 lai ciengz.

(daj Gvangjsih Yizbau hoiz daeuj)