133. Daenj diuz buh cuk cah,

Cej daihvah maz daiz,

Miz mauh mbouj miz haiz,

Daemx cungj gvaiq lo le.

(Roeg dungjding mauh)

134. Daenj diuz buh raiz bieg,

Youq ndaw rungh bya sang,

Rumz baek de mbouj gangz,

Hoiz namz de cij swenj.

(Duzaekex)

135. Miz di daeg vunz rungh,

Congh de gyoengq couh ndonj,

Guhcaeg daengz ranzrongh,

Vunz dongx mbouj rox han.

(Duzsap)

136. Haemh laep daengz raizra,

Couh doxdaz haeuj rug,

Ninz lij suenqsuebsueb,

Genbuh duk baenzhwnz.

(Duzgaeq)

137. Lij saeq de couh yungz,

Hung le couh ok gaeq,

Hix miz dungx miz saej,

Ra ok haex mbouj raen.

(Namzgva)

138. Gvanbaz doxcaeuq ninz,

Roengz ding cij ndaej youq,

Meh iet goeng couh haeuj,

Caen hoj yawj le lwi.

(Faggeuz)

139. Miz di caeg vunz lanh,

Baenz bang youq goekbya,

Doxdaeuj couh cungj caz,

Baema hawj vunz soengq.

(Diuz gvendou)

140. Miz fan mbinj saeq ciq,

Dak lij mbouj rox sou,

Hai va cij cuengq gyoux,

Dawz ok haw bae baij.

(Gogyoij)

（19）