117. Bak de soem heuj de raeh,

Goek de mbouj hung mumh de raez,

Guh caeg dungxmbouq lau raen vunz,

Byongh hwnz okdaeuj banh vaih saeh.

(Duznou)

118. Gaem di fag yoek iq,

Haengj guh caeg doxngoenz,

Daenj buh heu vaq hoengz,

Boux haenx dwg bouxlawz?

(Roegdemqbya)

119. Reih maz raezliuliu,

Roeggviuij gwn mbouj imq.

(Fagcae)

120. Diuz faex venj byaifa,

Ga de laingeungeu.

(Aencaengh)

121. Nim mbouj nim nat mbouj nat,

Dat ndaw gwn rog.

(Daw bit daw gaeq)

122. Byajraez lulu fwn mbouj doek,

Nae roengzbyoegbyoeg mbouj nyinh cengx.

(Aen muhhaeux)

123. Daxmeh seng lwg lai,

Sien seng muengx daengz beix,

Miz saeh doxcaeuq ngvanh,

Saeh iq nuengx gaijgez,

Saeh hung beix gaijgez.

(Faenz)

124. Miz di duz roegfek,

Ciengzseiz youq henzdaemz,

Vunz byaij bae daengz haenz,

Youh caem roengzbae mbiet.

(Sieng)

（17）