Geij ngoenz gonq, gyoengq lwgnyez Hozciz Si Cizsuz Gihgvanh Youwzyenz daeuj daengz Dieg Guhyiengh Sonlienh San Mauhcukva Vanzgyangh Mauznanzcuz Swciyen yawjngonz hagsib.

Youq dieg guhyiengh sonlienh, aen youh aen mauh- cukva gyaeundei langhbaij youq haenx, hawj gyoengq lwgnyez yawj dwk da mbouj yaep. Bouxcienzswnj feihyiz(dinfwngz san mauhcukva Mauznanzcuz) guekgya gaep Danz Sugenh lwnh hawj gyoengq lwgnyez mauhcukva Mauznanzcuz baenzlawz miz daeuj, baujhoh feihyiz vwnzva baenzlawz youqgaenj, lij gaem fwngz son gyoengq lwgnyez san mauhcukva dem, hawj gyoengq nyez daj iq couh gyaez feihyiz vwnzva.

Dinfwngz san mauhcukva Mauznanzcuz dwg Mauz- nanzcuz hangh vwnzva laux ndeu, 2006 nienz ndaej lied haeuj guekgya gaep feihvuzciz vwnzva yizcanj daibiujsing mingzloeg.

(Veiz Yui/韦 睿)