Ndaw dieg nae ndonj ok go nywj heusau ndeu, de dwg seizdoeng dandog go doenghgo ndeu, de sieng- cwngh seizcin yaek daeuj lo. Dahraix, mbouj geij nanz, gyoengq baengzyoux nywj iq daeuj lo, doengh go faex sangvid, doengh duj va gak saek gak yiengh, doengh go nywj heusausau haenx gyoebbaenz le seizcin gyaeu- ndei.

Sawqmwh raq rumz ndeu ci gvaq, ha! Dwg dahsau seizcin daeuj lo, de cingj daxgoeng seizdoeng bae lo. Dahsau seizcin sawj daihdeih gizgiz cungj cungnuenx le senggei, sawj raeujrub ciuq daengx aenbiengz. Doengh- duz ninz gvaq doeng haenx hix ndiu gvaqdaeuj, bae ra gij baengzyoux gyoengqde lo.

Dahsau seizcin dwg daxmeh daihdeih, de nyinh sojmiz doxgaiq, hawj gyoengqvunz mbouj caiq roxnyinh daengz nit, yiengj- souh raeujrub seizcin.

(it nienzgaep Ginh Swhhanz)