74. Cam:

Va lawz hai okdaeuj,

Ngaemgyaeuj coh daengngoenz?

Va lawz hai ok daengz,

Lumj baenz aen loxlez?

Hoiz:

Gveizva hai okdaeuj,

Ngaemgyaenj coh daengngoenz.

Caemqcaej va hai daengz,

Lumj baenz aen loxlez.

75. Miz duz cwzdaeg ndaem,

Gaemzgaemz gwn nywj geq,

Gwn liux cae mbouj beh(rag),

Ninz ndawgeh gutgaeuz.

(Fagdaeq)

76. Hak deuz vut gingsingz,

Seiq lwg bing ma hoh,

Vaizdaeg roengz lwgcoh,

Mwngz raen goq(gvaq) mbouj caengz?

(Aengiuh)

77. Ndip gwn ndaej,

Sug gwn ndaej,

Cuengq roengz heng bae heh mbouj ndaej.

(Raemx)

78. Gwnz byoz em,

Laj byoz em,

Haethaemh cungj doxceng.

(Bwnda)

79. Sam beixnuengx,

Cug diuz sai,

Ok roet mbouj lau dai.

(Bauq va / Bauq diet)

80. Vaiz miz seiq gok,

Roengz raemx hwnjma couh deng bok.

(Faengx)

81. Guenq lawz dauqdingj venj?

(Ndaeng)

（11）