2 nyied 9 hauh, Yungzsuij Myauzcuz Swciyen Sanghlungzgouh Mbanjmyauz Mungvuh banh ndwencieng cibgouj youzbo hozdung. Myauz、Yauz、Dung、Cuengh daengj minzcuz beixnuengx ndang daenj buh lengj minzcuz swhgeij, comz daeuj boq venz、diuq fouxcaijdangz angqhoh.

Ngoenzhaenx, guh le caeq venz、boq venz、diuq fouxcaijdangz daengj hozdung, baenz cien gvaq fanh vunzmbanj caeuq hekyouz daeuj yawjngonz, Mbanjmyauz nauhyied dangqmaz.

Ciuq cam rox, vihliux cienzswnj dangdieg fungsug vwnzva, coicaenh gak minzcuz dox baedauq dox gyaulouz dox yungzhab, couqmaenh gij eiqsik caezcaemh Cunghvaz Minzcuz, Yungzsuij gietdingh moix bi ndwencieng cibgouj youq Sanghlungzgouh Mbanjmyauz Mungvuh banh “cibgouj youzboz”, bineix dwg banh baez nduj, gvaqlaeng moix bi ndwencieng cibgouj cungj yaek gawjbanh baez ndeu.

(Vangz Cwngz Hoz Haijyez/黄 诚 何海晔)