2 nyied 10 hauh, Aen Hoih Minzcunghveij Cujyin Daengx Gih youq Nanzningz hai. Gwnz hoih cienzmienh gvancez doeksaed gij cingsaenz Ngeihcib Daih Dangj, cienzmienh gvancez doeksaed gij gezcwz baijbouh cingsaenz Aen Hoih Hong Dungjcan Cunghyangh、Aen Hoih Hong Minzcuz Cunghyangh、Aen Hoih Hong Cunghgyau Daengx Guek、Aen Hoih Minzveij Cujyin Daengx Guek caeuq Swcigih, cungjgez gij hong 2022 nienz caeuq haj bi ngamq gvaqbaez haenx, baijbouh gij hongloh 2023 nienz. Swcigih Dangjveij suhgi、Swcigih Yinzda Cangzveijvei cujyin Liuz Ningz doiq guh ndei hong minzcuz caeuq cunghgyau daengx gih bae vah.

Liuz Ningz vixok, bi’gvaq, daengx gih minzcungh hidungj haeujlaeg gvancez doeksaed gij cungyau swhsiengj Siz Ginbingz gangj gyagiengz caeuq gaijndei hong minzcuz、gij vah gangj hong cunghgyau, maedsaed guh ndei gak hangh hong minzcuz cunghgyau, daengx gih aen yiengh ndei minzcuz doxhuz、cunghgyau huzswnh、aen biengz huzndei ndaej laebdaeb bauj- maenh. Bineix dwg bi nduj cienz- mienh gvancez gij cingsaenz Ngeihcib Daih Dangj, hix dwg gvancez doeksaed gij iugouz youqgaenj Siz Ginbingz daezok Gvangjsih aeu “haj aen engq hung”、 bi hainduj cienz- mienh laebguh seizdaih moq Gvangj- sih gyaeundei. Minzcungh hidungj daengx gih aeu rox gij youqgaenj “song aen dinghlaeb” liux bae, giengiet guh daengz “song aen henhoh”, aeu gij cingsaenz Ngeihcib Daih Dangj daeuj vixyinx, cienzmienh gvancez doeksaed gij cingsaenz Aen Hoih Hong Ginghci Cunghyangh caeuq Aen Hoih Hong Minzcuz Cunghyangh、Aen Hoih Hong Cungh- gyau Daengx Guek, cienzmienh gvancez doeksaed gij iugouz youq- gaenj Siz Ginbingz daezok Gvangjsih aeu “haj aen engq hung”, haeujlaeg gvancez doeksaed gij cijsi cingsaenz youqgaenj Siz Ginbingz cungjsuhgi gangj haenx, ciuq Swcigih baijbouh, gaen hwnj seizdaih、souj goek cauhmoq, gaemdawz laebguh aen sifangih couqmaenh gij eiqsik caez- caemh Cunghvaz Minzcuz diemj neix, guh ndei “seiq aen suenranz”, haeuj- laeg cauhguh minzcuz doxgiet baenaj, laebdaeb dajcauh gij minzcuz daeg- saek vwnzva binjbaiz “sam nyied sam Bouxcuengh” daengj, guh ndei gak hangh hong minzcuz, gyavaiq dieg minzcuz vunz noix comzyouq hwng- fat, doidoengh gak minzcuz dox baedauq dox gyaulouz dox yungzhab, doicaenh cunghgyau baenz yiengh Cunghguek raeuz Gvangjsih byaij ndei byaij maenh, laebdaeb cuk- maenh laebguh seizdaih moq Gvangjsih gyaeundei, vih guhbaenz yendaiva Cungguek ok faenh rengz Gvangjsih.

Aen hoih giengzdiuh, daengx gih gak gaep minzcungh bumwnz aeu haeujlaeg hagsib gij cingsaenz Ngeihcib Daih Dangj, haeujlaeg guh couqmaenh gij eiqsik caezcaemh Cunghvaz Minzcuz lijlun hungnaek caeuq yienhsaed vwndiz yenzgiu, guhcaez guhndei hong senhconz son- gyauq couqmaenh gij eiqsik caez- caemh Cunghvaz Minzcuz, haenqrengz ca ndei “sam hang giva·Gvangjsih hengzdoengh”, gyavaiq dieg minzcuz vunznoix hwngfat moq, eifap ceihleix hong minzcuz cunghgyau, henhoh minzcuz doxgiet、cunghgyau huzswnh, vih sevei guh ok gungyen hung.

Gwnz hoih byaujcangh le gyoengq daibyauj Gvangjsih aeu ndaej Buek Daihcib Daengx Guek Minzcuz Doxgiet Cinbu Sifangih Sifan Danh- vei、 Gaiq Daih’it Daengx Guek Cunghgyaugai Senhcin Cizdij Caeuq Senhcin Goyinz daengj mingzdaeuz haenx. Gveilinz、Bwzhaij、Bwzswz、Hocouh、Hozciz、Laizbinh、Cungzcoj daengj caet aen si minzcunghveij (giz) guh gyaulouz gangjvah.

（Dunghsinyenz Loz Yinzgingh- yiz bonj bauq gicej Veiz Yingjcinh通讯员 罗仁惊瑜 本报记者 韦颖琛）