2 nyied 3 hauh, Swcigih Suij- goj Gisuz Cijdaujcan naeuz, yawhgeiq 2022 nienz Gvangjsih makgam mienhcik 948 fanh moux, canjlieng 1868 fanh dun, canjlieng ciemq daengx guek cungjsoq 28.37%, laebdaeb 8 bi dwg daengx guek daih’it.

Gvangjsih doi ok dinmak ndei 8 hangh gisuz. 2022 nienz daengx gih aeu feihgih mbouj yungh vunz hai saj yw gaj non fuengz bingh daih’iek 280 fanh moux, gomak gyaqciep vuenh- cungj mienhcik 271.08 fanh moux, gaenq laebguh gak cungj makgam mbaetsou le cawqleixsienq 2000 lai diuz.

Gvangjsih lij diuzcwngj gaijndei makgam binjcungj gezgou, doigvangq saekloeg ndaemcai. Dangqnaj daengx gih laeb miz 80 aen byauhcunj gihdi guh yienghndei lwgmak, daengx gih gij mak ndei mauhgvaq 75%.

Gvangjsih lij dajcauh makgam daegsaek binjbaiz, dangqnaj, gungh miz 18 aen makgam canjbinj baenz dilij byauhci canjbinj, miz 30 aen makgam canjbinj nabhaeuj “cihhauh Gvei” binjbaiz heihlied.

（Cwnz Cing Linz Yizginz/陈 静 林益群）