2 nyied 5 hauh ngoenzhaenx dwg cieng cibngux, Ginhsiu Yauzcuz Swciyen Dungzmuz Cin gawjbanh “baijcouxsaenz”“youzgai foux lungz foux saeceij” daengj dangdieg fungsug hozdung, haemh haenx daeng’va rongh lumj gyangngoenz, vunz daeuj youz baebae dauqdauq, caez angq gvaq cieng cibngux. “Baijcouxsaenz” dwg dangdieg gvaq cieng cibngux cungj sibgvenq ndeu, 2022 nienz ndaej lied haeuj si gaep feihvuzciz vwnzva yizcanj. Youq ngoenz cieng cibngux, ranzranz dawz mak、bingjdangz caeuq gij doxgaiq gwn dangdieg daengj baij coq gwnz daiz, angqcoux saenzbaed, lij youzgai foux lungz foux saeceij dem, maqmuengh saenzbaed baujyou bimoq rumz swnh fwn cuk, haeuxliengz fungsou, guek onj minz an.

Ndaw doz dwg 2 nyied 5 hauh, gyoengqvunz daeuj yawjngonz aen hozdung “baijcouxsaenz” Dungzmuz Cin banh haenx.

(Gauh Yuzginh/高如金)