55. Cam:

Duz lawz mbouj gwn mak,

Gag boux bae ngonz va?

Duz lawz mbouj gwn bya,

Ngoenzngoenz ca san muengx?

Hoiz:

Duzdinz mbouj gwn mak,

Gag boux bae ngonz va.

Duzgyau mbouj gwn bya,

Ngoenzngoenz ca san muengx.

56. Cam:

Go lawz sohsaengsaeng,

Geij caengz naeng bau ndok?

Gij maz raihnodnod,

Aeu ndok daeuj bau naeng?

Hoiz:

Gogyoij sohsaengsaeng,

Geij caengz naeng bau ndok.

Aen sae raihnodnod,

Aeu ndok daeuj bau naeng.

57. Cam:

Gijmaz baenz geizheih,

Okseiq mumh haunya?

Gijmaz baenz naj na,

Laux dauq daz mbafaenj?

Hoiz:

Haeuxyangz ngamq ok faek,

Mumh daengz aek haunya.

Ndaw suen aen doenggva,

Laux dauq daz mbafaenj.

（7）