2022 nienz 12 nyied 31 hauh, Yinhcwngz Yen Gaiq Daih’it Nungzminz Sezyingjcanj youq Yinhcwngz Yen Bwzgwngh Yangh Vwnzva Gvangjcangz haibanh, aen canjlanj neix yaek laebdaeb hai daengz 2023 nienz 2 nyied 15 hauh.

Baez sezyingjcanj neix dwg Bwzgwngh Yangh 19 boux nungz- minz gyaez ingjsiengq haenx, gag cujciz senjleh aeu 100 lai fuk cozbinj daeuj langhbaij, cozbinj baugvat funggingj dangdieg、lizsij vwnzva、geiqsaed daengj, cozbinj geiqloeg le mbanjranz duetgungz gunggeng、hwngguh lajmbanj、canjnieb fazcanj、henhoh dieg- youq caeuq haemzhoj cauhnieb daengj neiyungz, aeu cungj fuengsik moq neix daeuj angqcoux bimoq daeujdaengz.

Ndaw doz dwg song boux nungzminz gyaez ingjsiengq langhbaij gij cozbinj swhgeij dawz daeuj camgya sezyingjcanj haenx.

（Fanz Saugvangh/樊绍光）