Vah bouxbien Mboengqneix, Swcigih Minzcunghveij langhbaij 2022 nienzdoh cizyau gaujbingz cwngzgoj, baijok gij hong minzcuz cunghgyau Gvangjsih guh ndaej ndei haenx, bonj banj mbaet aeu ndawde gij ceiq ndei daeuj daeng, hawj gyoengq bouxdoeg rox.

2022 nienz hong minzcuz cunghgyau Gvangjsih youq daengx guek yingjyangj mboujduenh dem- hung. Siz Ginbingz cungjsuhgi vixok, Gvangjsih “minzcuz doxgiet、ndaw biengz onjdingh、henzguek anningz”, “daejyienh le minzcuz cwngcwz Dangj raeuz caeuq minzcuz gihyi swci cidu youq baihnamz guekcoj sizcen baenzgoeng, dwg aen sukingj seng- doengh bengwz hungmbwk seizdaih moq guek raeuz cib bi neix”. Gij gingniemh Gveilinz Si coicaenh gak minzcuz dox baedauq dox gyaulouz dox yungzhab ndaej bouxdaeuz Guek- gya Minzveij haenh le bihsi. Swcigih Dangjveij suhgi Liuz Ningz doiq caenh’itbouh guhndei hong minzcuz cunghgyau gih raeuz guh bihsi. Swcigih Minzcunghveij caeuq Liuj- couh Si youq gwnz hoih daengx guek gangjvah lwnhgangj gingniemh.

Haenqrengz ca hagsib lwnhgangj、lijlun yenzgiu caeuq senhconz gyauyuz, youq gietcomz ligliengh gak cuz yinzminz doxgiet haenqguh gwnzde guh ndaej baenzgoeng moq. Haiguh daih hagsib daih beizyin daih lwnhgangj hozdung, haeujlaeg hagsib ciuqhengz gij cingsaenz aen Hoih Hong Minzcuz Cunghyangh caeuq gij cingsaenz Ngeihcib Daih Dangj daengj, doidoengh daengx gih minzcungh hidungj caeuq minzcuz gunghveij veijyenz danhvei gawjbanh ciendaez lwnhgangj hozdungh gaenh fanh ciengz. Gyonjcomz guh hozdung lwnhgangj couqmaenh gij eiqsik caezcaemh Cunghvaz Minzcuz 3000 lai ciengz.

Fugsaeh cungsim、yungzhaeuj daihbuenz, haenqrengz ca gak hangh hong youqgaenj couqmaenh gij eiqsik caezcaemh Cunghvaz Minzcuz, youq cienzmienh doicaenh minzcuz doxgiet cinbu saehnieb gwnzde engq guh ndaej baenz saeh. Vwnzva binjbaiz “Sam Nyied Sam Bouxcuengh” guh ndaej engq ndei. Guhbaenz “dieg doengzsim vwnzva” 459 aen. Baenzgoeng gawj- banh Gaiq Daih Cibhaj Daengx Gih Saujsu Minzcuz Conjdungj Dijyuz Yindungvei. Yungh ndei 6.75 ik maenz ngaenz hwngfat saujsu minzcuz. Banh ndei Ginhsiu、Yungzsuij、Sanhgyangh、Sihlinz、Lingzyinz daengj haj aen swciyen(hamz yiengjsouh gij cwngcwz swciyen) roeb laebbaenz 10 hopbi angqhoh hozdung. Minghmingz 269 aen swcigih minzcuz doxgiet cinbu sifangih、sifan danhvei.

Haenqrengz ca minzcuz cungh- gyau swvu ceihleix dijhi caeuq ceihleix naengzlig laebguh, youq gwnz fuengzre vaqgej fungyiemj huxndumj hunghang de aeu ndaej gij baenzgoeng caengz guh ndaej gvaq. Itcig eifap ceihleix hong minzcuz cunghgyau. Doeksaed yen、yangh、cunh sam gaep cunghgyau gunghcoz vangjloz caeuq yangh、cunh song gaep cwzyinci.

Laebcaez guhndei aen gihci minzcuz cunghgyau gunghcoz dijci, guh caezcienz aen gihci dangjveij lingjdauj minzcuz cunghgyau gungh- coz dijci. Swcigih Dangjveij、Cwngfuj ceiqdingh okdaiz le 《Gij Saedhengz Yigen Gvendaengz Laebguh Sifangih Couqmaenh Gij Eiqsik Caezcaemh Cunghvaz Minzcuz Coicaenh Seizdaih Moq Hong Minzcuz Daengx Gih Hwngfat Caetliengh Sang》daengj buek cwngcwz vwnzgen youqgaenj ndeu.

（Swcigih Minzcunghveij hawj gauj）